തരംഗമായി ‘ദേവദൂതര്‍ പാടി’: യൂട്യൂബില്‍ കണ്ടത് ഒരു കോടിയലധികം പേര്‍

കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണൻ സംവിധാനം ചെയ്യുന്ന ‘ന്നാ താന്‍ കേസ് കൊട്’ ഓഗസ്റ്റ് 11ന് തിയേറ്ററുകളിലെത്തും. റിലീസിന് മുന്നോടിയായി ചിത്രത്തിലെ ‘ദേവദൂതർ പടി’ എന്ന ഗാനത്തിന് നൃത്തം ചെയ്യുന്ന കുഞ്ചാക്കോ ബോബന്‍റെ വീഡിയോ ഇന്‍റർനെറ്റിൽ വൈറലായിരുന്നു. കഴിഞ്ഞയാഴ്ച പുറത്തിറങ്ങിയ ഈ വീഡിയോ ഇതിനോടകം ഒരു കോടിയിലധികം ആളുകൾ കണ്ടുകഴിഞ്ഞു.

ഭരതന്‍റെ കാതോട് കാതോരം എന്ന ചിത്രത്തിന് ഒ.എൻ.വി കുറുപ്പ്- ഔസേപ്പച്ചൻ, യേശുദാസ് എന്നിവർ ചേർന്നാണ് ഗാനം ചിട്ടപ്പെടുത്തിയിരിക്കുന്നത്. 1985-ൽ പുറത്തിറങ്ങിയ ഈ ഗാനം പുതുതായി ആലപിച്ചിരിക്കുന്നത് ബിജു നാരായണനാണ്.

37 വർഷത്തെ ഇടവേളയ്ക്ക് ശേഷമാണ് ‘ദേവദൂതർ പടി’ എന്ന ഗാനം വീണ്ടുമെത്തുന്നത്. ഇത്തവണത്തെ ഗാനത്തിന്‍റെ ഹൈലൈറ്റ് ചാക്കോച്ചന്‍റെ ഡിസ്കോ നൃത്തമായിരുന്നു. ഉത്സവപ്പറമ്പുകളിലും മറ്റും അത്തരമൊരു സ്ഥിരം കഥാപാത്രം ഉണ്ടാകുമെന്നും ചാക്കോച്ചൻ ആ വ്യക്തിയെ മനോഹരമായി ചിത്രീകരിച്ചെന്നും ആരാധകർ പറയുന്നു.