ദേശിയ കരാട്ടെ ചാമ്പ്യൻഷിപ്പിൽ സ്വർണ്ണവും വെള്ളിയും വെങ്കലവും കോട്ടയത്തേക്ക് : കുമരകം. തിരുവാർപ്പ് സ്വദേശികളാണ് മെഡൽ ജേതാക്കൾ

കുമരകം : ദേശീയ കരാട്ടെ മത്സരങ്ങളിൽ വിവിധ വിഭാഗങ്ങളിൽ ഒന്നും രണ്ടും മൂന്നും സമ്മാനങ്ങൾ കോട്ടയം സ്വദേശികൾക്ക്. കർണാടകയിലെ ഉടുപ്പിയിൽ നടന്ന ദേശീയ ഓപ്പൺ

കരാട്ടെ ചാമ്പ്യൻഷിപ്പിൽ ഗ്രീൻ ബെൽറ്റ് (ഐറ്റം:കത്ത) സീനിയർ ഗേൾസ് വിഭാഗത്തിൽ കോട്ടയം കുമരകം സ്വദേശിനി അഗിനേഷ്മ സന്തോഷ് സ്വർണ്ണ മെഡൽ കരസ്ഥമാക്കി.

കുമരകം എസ്കെഎം ഹയർസെക്കണ്ടറി സ്കൂൾ പ്ലസ്സ് വൺ വിദ്യാർത്ഥിനിയാണ് . കുമരകം വാർഡ് 4 അപ്പിത്തറയിൽ സന്തോഷിന്റെയും രശ്മിയുടേയും മകളാണ് അഗിനേഷ്മ.

സീനിയർ ബോയ്സ് വിഭാഗത്തിൽ( ഐറ്റം:കത്ത) തിരുവാർപ്പ് സ്വദേശിയായ ആദർശ് എം.എസ് സെക്കൻഡ് പ്രൈസ് കരസ്ഥമാക്കി വെള്ളിമെഡൽ ജേതാവായി. തിരുവാർപ്പ് മണലടിച്ചിറ വീട്ടിൽ ഷിജിമോൻ റ്റി.എം ന്റെയും സിന്ധു എൻ ൻ്റെയും മകനാണ്.

ബ്ലാക്ക് ബെൽറ്റ് (ഐറ്റം:കത്ത) സീനിയർ ഗേൾസ് വിഭാഗത്തിൽ കുമരകം സ്വദേശിനി ഐശ്വര്യ സന്തോഷ് വെങ്കലം കരസ്ഥമാക്കി

കുടവെച്ചൂർ ഗവൺമെന്റ് ഡി.വി.എച്ച്.എസ്.എസ് പ്ലസ്സ് വൺ വിദ്യാർത്ഥിനിയാണ് ഐശ്വര്യ. കുമരകം വാർഡ് 15ൽ നാഷ്ണാന്തറ എൻ.കെ സന്തോഷ്‌, നിഷ സന്തോഷ്‌ ദമ്പതികളുടെ മകളാണ്.