കേന്ദ്ര സർക്കാർ സ്ഥാപനത്തിൽ ടെലഫോൺ ഓപ്പറേറ്ററായി ജോലി നൽകാമെന്ന് വാഗ്‌ദാനം ; ലക്ഷങ്ങളുടെ തട്ടിപ്പ് നടത്തിയ പ്രതിരോധ വകുപ്പ് ഉദ്യോഗസ്ഥൻ അറസ്റ്റിൽ ; തട്ടിപ്പിനിരയായ യുവതിയുടെ പരാതിയിലാണ് അറസ്റ്റ്

കായംകുളം: കേന്ദ്ര സർക്കാർ സ്ഥാപനത്തിൽ ജോലി വാഗ്ദാനം ചെയ്ത് ലക്ഷങ്ങൾ തട്ടിയ പ്രതിരോധ വകുപ്പ് ഉദ്യോഗസ്ഥൻ അറസ്റ്റിൽ.

കായംകുളം പുതുപ്പള്ളി സ്വദേശിനിയായ യുവതിക്ക് സിഎസ്ഐആര്‍ എന്ന സ്ഥാപനത്തിൽ ടെലഫോൺ ഓപ്പറേറ്ററായി ജോലി നൽകാമെന്ന് പറഞ്ഞ് 2022 ൽ അഞ്ച് ലക്ഷം രൂപ തട്ടിയെടുതെന്നാണ് കേസ്.

കൊല്ലം തൃക്കടവൂർ കോട്ടയ്ക്കകം മനു മന്ദിരത്തിൽ മഹേഷി (37) നെ അറസ്റ്റ് ചെയ്തത്. കേന്ദ്ര സർക്കാരിന്റെ പ്രതിരോധ മന്ത്രാലയത്തിന് കീഴിലുള്ള തമിഴ്‌നാട്ടിലെ കോർഡൈറ്റ് ഫാക്ടറിയിലെ ഇൻസ്ട്രുമെന്റ് ടെക്നീഷ്യനാണ് പ്രതി.

2023 ൽ സിഎസ്ഐആര്‍ എന്ന സ്ഥാപനത്തിൽ യുവതിയെ എത്തിച്ച് ഒരു രജിസ്റ്ററിൽ ഒപ്പ് വെപ്പിച്ച് ജോലി നൽകുന്നതായി വിശ്വസിപ്പിച്ചു.പിന്നീടാണ് യുവതി തട്ടിപ്പ് മനസിലാക്കിയത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.