കൊച്ചി: യുവ നടി റിനി ആൻ ജോർജിന് നേരെ വധഭീഷണി ഉയർന്നതായി പരാതി. ബലാത്സംഗക്കേസ് പ്രതിയായ രാഹുല് മാങ്കൂട്ടത്തില് എംഎല്എയെ തൊട്ടാല് കൊന്നുകളയുമെന്ന് വീടിന്റെ മുന്പിലെത്തി രണ്ടുപേര് ഭീഷണിപ്പെടുത്തിയെന്നാണ് പരാതി.
വീട്ടിന്റെ ഗേറ്റ് തകർക്കാൻ ശ്രമിച്ചതായും അവർ ആരോപിച്ചു. ഇന്നലെ രാത്രി ഏകദേശം 9 മണിയോടെയാണ് സംഭവം നടന്നത്. പറവൂരിലെ വീടിന് മുന്നില് ആദ്യം ഇരുചക്രവാഹനത്തില് ഒരാളെത്തുകയും ഗേറ്റ് തകര്ത്ത് അകത്തേക്ക് കടക്കാന് ശ്രമിക്കുകയും ചെയ്തു. വീട്ടുകാര് പുറത്തിറങ്ങിയതോടെ പ്രതി കടന്നുകളഞ്ഞു. പിന്നീട് രാത്രി 10 മണിയോടെ മറ്റൊരാള് വീടിന് മുന്നിലേക്ക് എത്തുകയും വധഭീഷണി മുഴക്കുകയുമായിരുന്നു. പരാതിയില് പൊലീസ് അന്വേഷണം ആരംഭിച്ചു. സിസിടിവി ദൃശ്യങ്ങള് ഉള്പ്പെടെ പരിശോധിച്ചാവും അന്വേഷണം നടത്തുക.
