വിദേശത്ത് നിന്നും കോട്ടയത്ത് എത്തിയത് 13 പേർ : ഏഴു പേർ ക്വാറൻ്റയിൻ കേന്ദ്രത്തിൽ; ഗർഭിണികളടക്കം ആറു പേർ കോട്ടയത്ത് എത്തിയില്ല: സംസ്ഥാനത്ത് എത്തിയതിൽ എട്ടു പേർക്ക് രോഗലക്ഷണം

സ്വന്തം ലേഖകൻ

കോട്ടയം : കോവിഡ് 19 പേടിയിൽ വിദേശത്ത് നിന്ന് ജീവനും ജീവിതവും വാരിപ്പിടിച്ച് അവർ ജന്മനാടിൻ്റെ ലാളനയിലേയ്ക്ക് എത്തി. അബുദാബിയില്‍ നിന്ന് നെടുമ്പാശ്ശേരി വിമാനത്താവളത്തില്‍ എത്തിയ കോട്ടയം ജില്ലക്കാരില്‍ ഏഴു പേരാണ് കെ.എസ്.ആര്‍.ടി.സി ബസില്‍ കോട്ടയത്തെ ക്വാറന്റയിന്‍ സെന്ററിൽ പുലർച്ചെ എത്തിയത്.

നെടുമ്പാശ്ശേരിയില്‍ എത്തിയവരില്‍ 13 പേരാണ് കോട്ടയം ജില്ലയില്‍നിന്നുള്ളത്. ഇവരില്‍ 77 വയസുകാരനെയും മൂന്ന് ഗര്‍ഭിണികളെയും രണ്ടു കുട്ടികളെയും ക്വാറന്റയിന്‍ കേന്ദ്രത്തിലേക്ക് കൊണ്ടുവന്നിട്ടില്ല. ഇവർ എറണാകുളത്ത് തന്നെ തുടരുകയാണ്.

പത്തനംതിട്ട ജില്ലയില്‍നിന്നുള്ളവരെയും ഇതേ ബസിലാണ് കൊണ്ടുവരുന്നത്. കോട്ടയത്തെ ക്വാറന്റയിന്‍ സെന്ററിലെത്തിയശേഷം ബസ് പത്തനംതിട്ടയിലേക്ക് പോയി. കോട്ടയത്തെ ക്വാറന്റയിന്‍ സെന്ററിലെ ക്രമീകരണങ്ങള്‍ രാത്രി ജില്ലാ കളക്ടര്‍ പി.കെ. സുധീര്‍ ബാബാബുവും ജില്ലാ പോലീസ് മേധാവി ജി. ജയദേവും വിലയിരുത്തിയിരുന്നു.

കോട്ടയം ജില്ലയില്‍നിന്നുള്ള ഏഴു പേരെ ക്വാറന്‍റയിന്‍ സെന്‍ററില്‍ എത്തിച്ചിട്ടുണ്ട്. തഹസില്‍ദാര്‍ എസ്. ശ്രീജിത്ത്, ഡെപ്യൂട്ടി തഹസില്‍ദാര്‍ പി.കെ. രമേശന്‍, കടുത്തുരുത്തി സര്‍ക്കിള്‍ ഇന്‍സ്‌പെക്ടര്‍ പി.കെ ശിവന്‍കുട്ടി എന്നിവര്‍ ചേര്‍ന്ന് പ്രവാസികളെ സ്വീകരിച്ചു.

ആ​ദ്യ ര​ണ്ട് വി​മാ​ന​ങ്ങ​ളി​ല്‍ കേ​ര​ള​ത്തി​ലെ​ത്തി​യ പ്ര​വാ​സി​ക​ളെ പ​രി​ശോ​ധ​ന​ക​ള്‍ പൂ​ര്‍​ത്തി​യാ​ക്കി​യ ശേ​ഷം മു​ന്‍​കൂ​ട്ടി നി​ശ്ച​യി​ച്ച ക്വാ​റ​ന്‍റൈ​ന്‍ കേ​ന്ദ്ര​ങ്ങ​ളി​ലേ​ക്ക് മാ​റ്റുകയായിരുന്നു. രോ​ഗ​ല​ക്ഷ​ണ​ങ്ങ​ള്‍ പ്ര​ക​ട​മാ​ക്കി​യ​തി​നെ തു​ട​ര്‍​ന്ന് എ​ട്ടു​പേ​രെ ആ​ശു​പ​ത്രി​യി​ലേ​ക്കും മാ​റ്റി.

കൊ​ച്ചി വി​മാ​ന​ത്താ​വ​ള​ത്തി​ലെ​ത്തി​യ അ​ഞ്ചു​പേ​രെ​യും ക​രി​പ്പൂ​രി​ലെ​ത്തി​യ മൂ​ന്നു​പേ​രെ​യു​മാ​ണ് ഐ​സൊ​ലേ​ഷ​നി​ല്‍ പ്ര​വേ​ശി​പ്പി​ച്ച​ത്. കൊ​ച്ചി​യി​ലെ​ത്തി​യ​വ​രെ ക​ള​മ​ശേ​രി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്കും ക​രി​പ്പൂ​രി​ല്‍ എ​ത്തി​യ​വ​രി​ല്‍ ഒ​രാ​ളെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും മ​റ്റു ര​ണ്ടു പേ​രെ മ​ഞ്ചേ​രി മെ​ഡി​ക്ക​ല്‍ കോ​ള​ജി​ലേ​ക്കു​മാ​ണ് മാ​റ്റി​യ​ത്.

അ​ബു​ദാ​ബി​യി​ല്‍​നി​ന്നും 181 യാ​ത്ര​ക്കാ​രു​മാ​യി എ​യ​ര്‍ ഇ​ന്ത്യ എ​ക്സ്പ്ര​സ് വി​മാ​ന​മാ​ണ് കൊ​ച്ചി​യി​ലെ​ത്തി​യ​ത്. വ്യാ​ഴാ​ഴ്ച രാ​ത്രി 10.08നാ​ണ് വി​മാ​നം കൊ​ച്ചി​യു​ടെ മ​ണ്ണി​ലി​റ​ങ്ങി​യ​ത്.​യാ​ത്ര​ക്കാ​രി​ല്‍ 49 ഗ​ര്‍​ഭി​ണി​ക​ളും നാ​ലു കു​ട്ടി​ക​ളു​മാ​ണ് ഉ​ണ്ടാ​യി​രു​ന്ന​ത്.

ദു​ബാ​യി​ല്‍​നി​ന്നും 182 യാ​ത്ര​ക്കാ​രു​മാ​യി എ​യ​ര്‍ ഇ​ന്ത്യ വി​മാ​നം ക​രി​പ്പൂ​രി​ലെ​ത്തി​യ​ത് വ്യാ​ഴാ​ഴ്ച രാ​ത്രി 10.32നാ​ണ്. വി​മാ​ന​ത്തി​ല്‍​നി​ന്നും 20 പേ​രെ വീ​തം ഘ​ട്ടം ഘ​ട്ട​മാ​യാ​ണ് പു​റ​ത്തി​റ​ക്കി​യ​ത്. യാ​ത്ര​ക്കാ​ര്‍​ക്ക് വി​മാ​ന​ത്താ​വ​ള​ത്തി​ല്‍ ബോ​ധ​വ​ത്ക​ര​ണ ക്ലാ​സും ന​ട​ത്തി.