പാലക്കാട്: പാലക്കാട് അട്ടപ്പാടി പുതൂരിൽ കടുവ സെൻസസിനിടെയുണ്ടായ കാട്ടാന ആക്രമണത്തില് വനം വകുപ്പ് ഉദ്യോഗസ്ഥൻ കൊല്ലപ്പെട്ടു. പുതൂർ ഫോറസ്റ്റ് ബീറ്റ് അസിസ്റ്റന്റ് കാളിമുത്തുവാണ് മരിച്ചത്. സെൻസസിനിടെ കാട്ടാന ആക്രമിക്കാനെത്തിയതോടെ കാളിമുത്തുവും കൂടെയുണ്ടായിരുന്ന ഉദ്യോഗസ്ഥനും ഓടി മാറിയിരുന്നു.
രക്ഷപ്പെട്ട ഉദ്യോഗസ്ഥൻ അറിയിച്ചതിനെ തുടർന്ന് ആർആർടി സംഘത്തിന്റെ തിരച്ചില് നടത്തുന്നതിനിടെയാണ് കാളിമുത്തുവിന്റെ മൃതദേഹം കണ്ടെത്തിയത്. മുള്ളി വനമേഖലയില് നിന്നാണ് മൃതദേഹം കണ്ടെത്തിയത്. പുതൂരില് കഴിഞ്ഞ ദിവസം അഞ്ചംഗ വനപാലക സംഘം കാട്ടില് കുടുങ്ങിയിരുന്നു, ഇതേ മേഖലയിലാണ് ഇന്നത്തെയും സംഭവം.
