ഒമാനില് രണ്ട് ട്രക്കുകളും അഞ്ച് ചെറുവാഹനങ്ങളും ഉള്പ്പെടെ ഏഴ് വാഹനങ്ങള് കൂട്ടിയിടിച്ച് വൻ അപകടം. ഒമാൻ-നിസ്വ മസ്കറ്റ് റോഡിലാണ് അപകടം നടന്നത്. അപകടത്തില് രണ്ട് ഏഷ്യൻ പൗരന്മാർക്ക് ജീവൻ നഷ്ടമായി. നിരവധി പേർക്ക് പരിക്കേറ്റതായും റോയല് ഒമാൻ പൊലീസ് അറിയിച്ചു.
മരിച്ചവർ ഏത് രാജ്യക്കാരാണെന്ന വിവരം ഇതുവരെ പൊലീസ് പുറത്തുവിട്ടിട്ടില്ല. യാത്രക്കാർക്ക് സുരക്ഷാ മുന്നറിയിപ്പ് നല്കുന്നതിന്റെ ഭാഗമായാണ് നിലവില് പൊലീസ് വിവരങ്ങള് കൈമാറിയിരിക്കുന്നത്. ഒരേ ലൈനിലൂടെ വന്ന രണ്ട് ട്രക്കുകള് ആദ്യം കൂട്ടിയിടിക്കുകയും ഇതിനുപിന്നാലെ മറ്റ് അഞ്ച് ചെറുവാഹനങ്ങള് കൂടി ഈ ട്രക്കുകളുമായി കൂട്ടിയിടിക്കുകയായിരുന്നു. അപകടത്തെ തുടർന്ന് ഈ ഭാഗത്തേക്കുള്ള വാഹന ഗതാഗതം പൊലീസ് നിയന്ത്രിക്കുകയും വഴിതിരിച്ചുവിടുകയും ചെയ്തിട്ടുണ്ട്. നിലവിലെ സാഹചര്യം പൂർവ്വസ്ഥിതിയിലാകുന്നത് വരെ നിയന്ത്രണങ്ങള് തുടരും.
അപകടത്തിന്റെ പശ്ചാത്തലത്തില്, യാത്രക്കാർ റോഡുകളില് സുരക്ഷാ മാനദണ്ഡങ്ങള് കർശനമായി പാലിക്കണമെന്നും ഒരു വിട്ടുവീഴ്ചയും വരുത്തരുതെന്നും റോയല് ഒമാൻ പൊലീസ് മുന്നറിയിപ്പ് നല്കി.
Whatsapp Group 1 | Whatsapp Group 2 |Telegram Group