പൊന്ത് വള്ളത്തില്‍ നിന്നുകൊണ്ട് വല മടക്കുന്നതിനിടെ കുഴഞ്ഞു വീണു; കടലില്‍ കാണാതായ മത്സ്യതൊഴിലാളിയുടെ മൃതദേഹം തീരത്തടിഞ്ഞു

ആലപ്പുഴ: പൊന്ത് വള്ളത്തില്‍ മത്സ്യബന്ധനം നടത്തുന്നതിനിടെ കടലില്‍ വീണു കാണാതായ മത്സ്യത്തൊഴിലാളിയുടെ മൃതദേഹം തീരത്തടിഞ്ഞു. വാടകയ്ക്കല്‍ അരേശേരിയില്‍ വീട്ടില്‍ ജോണ്‍ ബോസ്‌കോയുടെ (ജിമ്മിച്ചൻ -52) മൃതദേഹമാണു കണ്ടെത്തിയത്.

ഈ മാസം രണ്ടിന് പുലര്‍ച്ചെ അഞ്ചിന് കാണാതായ ഇദ്ദേഹത്തിൻ്റെ മൃതദേഹം ഇന്നലെ രാത്രി 8:20 ന് വീടിന് സമീപത്തെ കടല്‍ത്തീരത്ത് അടിയുകയായിരുന്നു.

മത്സ്യബന്ധനത്തിനായി ജിമ്മിച്ചന്‍ മാത്രമാണു പൊന്ത് വള്ളത്തില്‍ പോയത്. വലയിട്ട് മത്സ്യം പിടിച്ച ശേഷം വല മടക്കുന്നതിനിടെ കുഴഞ്ഞു വീഴുകയായിരുന്നു. ആലപ്പുഴ സൗത്ത് പൊലീസ് സ്ഥലത്തെത്തി മേല്‍നടപടി സ്വീകരിച്ചു.