മൂക്കില്‍ നിന്നും ചെവിയില്‍ നിന്നും രക്തം മുഖത്തേക്ക് ഒഴുകിയ നിലയിൽ ; പെരുമ്പാവൂര്‍ ക്ഷേത്രക്കുളത്തില്‍ യുവാവിനെ മരിച്ച നിലയില്‍ കണ്ടെത്തി

എറണാകുളം : പെരുമ്പാവൂർ ശ്രീധർമ്മ ശാസ്താ ക്ഷേത്രക്കുളത്തില്‍ യുവാവിന്റെ മൃതദേഹം കണ്ടെത്തി. ഒറ്റപ്പാലം സ്വദേശി സജിയാണ് മരിച്ചത്.

രാവിലെ നടക്കാൻ ഇറങ്ങിയ നാട്ടുകാരാണ് ക്ഷേത്ര കുളത്തില്‍ മൃതദേഹം കണ്ടത്. വെള്ളത്തില്‍ മുങ്ങിക്കിടന്ന നിലയില്‍ കണ്ട മൃതദേഹം നാട്ടുകാരുടെ സഹായത്തോടെ കരയ്ക്ക് കയറ്റി.

മൂക്കില്‍ നിന്നും ചെവിയില്‍ നിന്നും രക്തം മുഖത്തേക്ക് ഒഴുകിയ നിലയിലാണ് മൃതദേഹം കണ്ടെത്തിയത്. ഈ ക്ഷേത്രക്കുളത്തില്‍ സ്ഥിരമായി കുളിക്കാൻ വരുന്ന ആളാണ് മരണമടഞ്ഞ സജി. പെരുമ്ബാവൂരിലും പരിസര പ്രദേശങ്ങളിലും കൂലിവേല ചെയ്തു വന്നയാളാണ് ഇദ്ദേഹം. പെരുമ്ബാവൂർ പോലീസ് സ്ഥലത്തെത്തി നടപടികള്‍ ആരംഭിച്ചു.