അഴീക്കോട് കടലിലൂടെ ഒഴുകുന്ന നിലയിൽ മൃതദേഹം കണ്ടെത്തി ; നാല് ദിവസം മുൻപ് പരപ്പനങ്ങാടി ന്യൂ കട്ടിൽ പുഴയിൽ കുളിക്കുന്നതിനിടെ കാണാതായ യുവാവിന്റെ മൃതദേഹമാണ് കണ്ടെത്തിയത്

തൃശ്ശൂർ : അഴീക്കോട് മുനക്കലിൽ കടലിലൂടെ ഒഴുകുന്ന നിലയിൽ യുവാവിന്റെ മൃതദേഹം കണ്ടെത്തി.

പരപ്പനങ്ങാടി പാലത്തിങ്ങൾ ന്യൂ കട്ടിൽ പുഴയിൽ നിന്ന് കാണാതായ താനൂർ സ്വദേശി ജുറൈജ് (17) ന്റെ മൃതദേഹമാണ് കണ്ടെത്തിയത്.

മൃതദേഹത്തിന് നാല് ദിവസത്തിലധികം പഴക്കമുള്ളതായി പോലീസ് അറിയിച്ചു. കൊടുങ്ങല്ലൂർ ഗവൺമെന്റ് ഹോസ്പിറ്റലിലേക്ക് മാറ്റിയ മൃതദേഹം ബന്ധുക്കളെത്തിയാണ് തിരിച്ചറിഞ്ഞത്.