സര്ക്കാര് ജീവനക്കാരുടെ സ്വകാര്യ വിവരങ്ങള് മുഖ്യമന്ത്രിയുടെ ഓഫീസ് ചോർത്തിയെന്ന ആരോപണത്തില് സർക്കാരിന് ആശ്വാസം. സ്വകാര്യത ലംഘനം ചൂണ്ടിക്കാട്ടിയുള്ള ഹർജി തള്ളി ഹൈക്കോടതി.
മുഖ്യമന്ത്രിയുടെ ഓഫീസ് ഡി എ സന്ദേശമയച്ചത് നല്ല ഭരണത്തിന്റെ ഭാഗമായേ കാണാനാകൂവെന്നും നിയമവിരുദ്ധതയില്ലെന്നും ഹൈക്കോടതി ചൂണ്ടിക്കാട്ടി.
സര്ക്കാര് ജീവനക്കാരുടെ സ്വകാര്യ വിവരങ്ങള് സ്പാർക്കില് നിന്ന് മുഖ്യമന്ത്രിയുടെ ഓഫീസ് ചോർത്തിയതില് സ്വകാര്യത ലംഘനം ചൂണ്ടികാട്ടിയുള്ള ഹർജിയാണ് ഹൈക്കോടതി തള്ളിയത്.
Whatsapp Group 1 | Whatsapp Group 2 |Telegram Group
സെക്രട്ടറിയേറ്റ് ജീവനക്കാരൻ അനില്കുമാർ അടക്കമുള്ളവരാണ് അനുമതിയില്ലാതെ വിവരങ്ങള് ചോർത്തിയതില് ഹൈക്കോടതിയെ സമീപിച്ചത്. ജീവനക്കാരുടെ മൊബൈല് ഫോണുകളിലേക്ക് ക്ഷാമബത്ത അടക്കം നല്കിയത് ചൂണ്ടികാട്ടി മെസേജുകള് അയക്കുന്നുവെന്നും ഇത് തെരഞ്ഞെടുപ്പ് ലക്ഷ്യമിട്ടാണെന്നുമായിരുന്നു ഹർജിക്കാരുടെ വാദം.
എന്നാല്, തെരഞ്ഞെടുപ്പ് സന്ദേശങ്ങള് ഒന്നും അയച്ചില്ലെന്നും ജിവനക്കാർക്ക് അയച്ചത് ഭരണ നിർവ്വഹണത്തിന്റെ ഭാഗമായ സന്ദേശങ്ങള് മാത്രമാണെന്നുമാണ് സർക്കാറിന്റെ മറുപടി.
