ഭരണാധികാരികൾക്ക് നാണമില്ലേയെന്ന് തേർഡ് ഐ ന്യൂസ് ചോദിച്ചതോടെ മാസങ്ങളായി കോട്ടയം നഗരസഭാ ഓഫീസിന് സമീപത്തെ പടുകുഴി സ്ലാബിട്ട് മൂടി കോട്ടയം നഗരസഭ

കോട്ടയം: നഗരത്തിന്റെ ഹൃദയഭാഗമായ ഗാന്ധിസ്ക്വയറിന് സമീപമുള്ള ഫുട് പാത്തിലെ പടുകുഴി ഒടുവിൽ സ്ലാബിട്ട് മൂടി കോട്ടയം നഗരസഭാ അധികൃതർ

Link

Embed

Copy and paste this HTML code into your webpage to embed.

നഗരസഭയിലെ കൗൺസിലർമാരും ജീവനക്കാരും ഉൾപ്പെടെ നിരവധിപേർ ഈ വഴിയിലൂടെയാണ് നടന്ന് പോകുന്നത്.

എന്നാൽ ഓടയുടെ സ്ലാബ് പൊട്ടിത്തകർന്നുണ്ടായ പടുകുഴിയിൽ വീണ് സ്കൂൾ കുട്ടികളടക്കം നിരവധി പേർക്ക് പരിക്ക് പറ്റിയിട്ടും കുഴിമൂടാൻ അധികൃതർ തയ്യാറായില്ല.

ഇതോടെയാണ് തേർഡ് ഐ ന്യൂസ് കുഴിയുടെ ചിത്രം സഹിതം വാർത്ത പ്രസിദ്ധീകരിച്ചത്. വാർത്ത പ്രസിദ്ധികരിച്ച് മണിക്കൂറുകൾക്കകം നഗരസഭാ അധികൃതർ കുഴി സ്ലാബിട്ട് മൂടി.

നഗരസഭാ ഓഫീസിൽ നിന്ന് അൻപത് മീറ്റർ മാത്രം മാറിയുള്ള ഫുട് പാത്തിലെ ഓടയുടെ സ്ളാബാണ് തകർന്ന് പടുകുഴി രൂപപ്പെട്ടിരുന്നത്.