ഇന്ത്യയിലെ ഏറ്റവും വലിയ കാർ നിർമാതാക്കളായ മാരുതി സുസുക്കി തങ്ങളുടെ ഡിസയർ എസ് ടൂർ സെഡാനുകൾ തിരിച്ചുവിളിച്ചു. എയർബാഗ് യൂണിറ്റുകളിൽ തകരാർ കണ്ടെത്തിയതിനെ തുടർന്നാണ് ഡിസയർ ടൂർ എസ് സെഡാനുകളുടെ 166 യൂണിറ്റുകൾ കാർ നിർമ്മാതാക്കൾ തിരിച്ചുവിളിക്കുന്നത്. ഈ കാറുകളുടെ എയർബാഗ് കൺട്രോൾ യൂണിറ്റ് മാറ്റിസ്ഥാപിക്കേണ്ടതുണ്ടെന്ന് മാരുതി സുസുക്കി അറിയിച്ചു. റീകോൾ ചെയ്ത യൂണിറ്റുകളിൽ പുതിയ എയർബാഗുകൾ ചേർക്കുന്നതിനുള്ള ചെലവ് കാർ നിർമ്മാതാവ് വഹിക്കും. ഈ മാസം ആദ്യം ഓഗസ്റ്റ് 6 നും 16 നും ഇടയിലാണ് തിരികെ വിളിച്ച മാരുതി സുസുക്കി സെഡാനുകൾ നിർമ്മിച്ചത്.
