സമൂഹമാധ്യമങ്ങളിൽ വിമർശനവും ട്രോളും ; ക്രൂരമായ സൈബർ ആക്രമണം നേരിടുന്നെന്ന് സത്യഭാമ

ആരെയും അധിക്ഷേപിക്കാനോ വേദനിപ്പിക്കാനോ വേണ്ടിയല്ല അഭിമുഖം നൽകിയത് താൻ ഇപ്പോൾ ക്രൂരമായ സൈബർ ആക്രമണം നേരിടുകയാണെന്ന് നർത്തകി സത്യഭാമ.

ഫേസ്ബുക്കിലൂടെ ആയിരുന്നു സത്യഭാമയുടെ പ്രതികരണം. ആര്‍എല്‍വി രാമകൃഷ്ണന് പരമാവധി വേദി നൽകി. ആരെയും വേദനിപ്പിക്കാൻ ഉദേശിച്ചിട്ടില്ലെന്നും അവര്‍ ഫേസ്ബുക്ക് പോസ്റ്റിൽ വിശദീകരിച്ചു.

ഒരു യൂട്യൂബ് ചാനലിന് നൽകിയ അഭിമുഖത്തിലാണ് ആര്‍എല്‍വി രാമകൃഷ്ണനെതിരെ സത്യഭാമ അധിഷേപ പരാമര്‍ശം നടത്തിയത്. കാക്കയുടെ നിറമാണെന്നും നൃത്തം ചെയ്യുന്നത് കണ്ടാൽ പെറ്റ തള്ള സഹിക്കില്ലെന്നുമായിരുന്നു ആക്ഷേപം. സമൂഹമാധ്യമങ്ങളിൽ വിമർശനവും ട്രോളും വ്യാപകമായ സാഹചര്യത്തിലാണ് അവർ വിശദീകരണവുമായി രം​ഗത്ത് വന്നത്.