സത്യഭാമയ്ക്ക് അനുകൂലമായ കോടതിവിധി സർക്കാർ അനാസ്ഥയുടെ ഫലം : സി എസ് ഡി എസ് സംസ്ഥാന പ്രസിഡന്റ് കെ കെ സുരേഷ്
കോട്ടയം : സത്യഭാമയെ സംരക്ഷിക്കുന്ന ഭരണകൂട – പോലീസ് ഗൂഢാലോചനക്കെതിരെ സി എസ് ഡി എസ് സംസ്ഥാന കമ്മിറ്റിയുടെ നേതൃത്വത്തിൽ ഡിജിപി ഓഫീസിലേക്ക് പ്രതിഷേധ മാർച്ചും ധർണയും സംഘടിപ്പിച്ചു.
ഡോ ആർ എൽ വി രാമകൃഷ്ണനെ അധിക്ഷേപിച്ച വിഷയത്തിൽ സത്യഭാമയ്ക്ക് ജാമ്യം അനുവദിച്ച കോടതി വിധി സർക്കാർ അനാസ്ഥയുടെ ഫലമാണെന്ന് പ്രതിഷേധ ധർണ്ണയിൽ ചേരമസാംബവ ഡെവലപ്പ്മെന്റ് സൊസൈറ്റി (സി എസ് ഡി എസ് ) സംസ്ഥാന പ്രസിഡന്റ് കെ കെ സുരേഷ് പറഞ്ഞു.
എസ് സി /എസ് ടി അട്രോസിറ്റി ആക്ട് സമയബന്ധിതമായി നടപ്പിലാക്കുന്നതിൽ പോലീസ് പരാജയപ്പെട്ടുവെന്നും ഇതിന് പിന്നിൽ ഭരണകൂട ഗൂഡാലോചനയാണെന്നും, സർക്കാരിനെതിരെയുള്ള കോടതി പരാമർശത്തിൽ ഇത് വ്യക്തമാണെന്നും അദ്ദേഹം ആരോപിച്ചു.
Whatsapp Group 1 | Whatsapp Group 2 |Telegram Group
മധു കേസിൽ സർക്കാർ നടത്തിയ അട്ടിമറിയ്ക്ക് സമാനമാണ് ഈ കേസ് എന്നും കെ കെ സുരേഷ് കൂട്ടിച്ചേർത്തു
ഉന്നത പോലീസ് ഗൂഡാലോചനയ്ക്കും ഭരണകൂടത്തിന്റെ ഒത്താശയ്ക്കും എതിരെ ഡിജിപി ഓഫീസിന് മുൻപിൽ അനിശ്ചിതകാല സമരം ആരംഭിയ്ക്കുമെന്നും കെ കെ സുരേഷ് അറിയിച്ചു.