വൈദികനെ ഹണി ട്രാപ്പിൽ പെടുത്തി 60ലക്ഷം തട്ടിയ കേസിൽ ഒളിവി ലായിരുന്ന രണ്ടാംപ്രതി വൈക്കം പൊലീസിന്റെ പിടിയിൽ

കോട്ടയം:വൈദികനെ ഹണി ട്രാപ്പിൽപെടുത്തി ലക്ഷങ്ങൾ തട്ടിയ കേസിൽ ഒളിവിൽ ആയിരുന്ന രണ്ടാം പ്രതി പിടിയിൽ.

ഇടുക്കി അടിവാരം കൃഷ്ണജിത് പിഡി(27)ആണ് വൈക്കം പോലീസിന്റെ പിടിയിലായത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

പ്രതികൾ പലപ്പോഴായി വൈദികന്റെ കയ്യിൽ നിന്ന് 60 ലക്ഷം രൂപ തട്ടിയെടുത്തിട്ടുണ്ട്.

കേസിൽ ബംഗളൂരുവിൽ താമസിക്കുന്ന മലയാളി യുവതി നേഹാ ഫാത്തിമ, സുഹൃത്ത് സാരഥി നേരത്തെ പിടിയിലായി.

നഗ്നചിത്രങ്ങൾ പുറത്ത് വിടുമെന്ന് ഭീഷണിപ്പെടുത്തിയാണ് പണം തട്ടിയെടുത്തത്.

2023 ഏപ്രിൽ മുതലാണ് തട്ടിപ്പ് അരങ്ങേറിയത്. വൈക്കത്തെ സ്വകാര്യ സ്ഥാപനത്തിലെ അധ്യാപകനായ വൈദികനെയാണ് തട്ടിപ്പിനിരയാക്കിയത്. സ്ഥാപനത്തിലെ അധ്യാപക പരസ്യം കണ്ട് അപേക്ഷ അയച്ച യുവതി പിന്നീട് വൈദികനുമായി സൗഹൃദം സ്ഥാപിക്കുകയായിരുന്നു