ഡല്ഹി: ദക്ഷിണാഫ്രിക്കയ്ക്കെതിരായ ട്വന്റി 20 പരമ്ബരയ്ക്കുള്ള ഇന്ത്യന് ടീമിനെ പ്രഖ്യാപിച്ചു.
സൂര്യകുമാര് യാദവ് ഇന്ത്യയെ നയിക്കുമ്പോള് ഉപനായകനായി ശുഭ്മാന് ഗില് ടീമിലിടം പിടിച്ചിട്ടുണ്ട്. പരിക്കേറ്റ ശുഭ്മാന് ഗില്ലിനെ ടീമിലെടുത്തിട്ടുണ്ടെങ്കിലും കളിക്കുമോ എന്നുറപ്പില്ല.
ശാരീരിക ക്ഷമത വീണ്ടെടുക്കുന്ന പശ്ചാത്തലത്തില് മാത്രമേ താരം കളിക്കൂ. ബി.സി.സി.ഐയുടെ സെന്റര് ഓഫ് എക്സലന്സില് നിന്നുള്ള ഫിറ്റ്നസ് ക്ലിയറന്സിനെ ആശ്രയിച്ചിരിക്കും ഗില്ലിന്റെ പങ്കാളിത്തം.
Whatsapp Group 1 | Whatsapp Group 2 |Telegram Group
മലയാളി താരം സഞ്ജു സാംസണ് വിക്കറ്റ് കീപ്പറായി ടീമിലുണ്ട്. ഇടംകൈയ്യന് ബാറ്റര് യശസ്വി ജയ്സ്വാള് ടീമിലില്ല. അഭിഷേക് ശര്മ, തിലക് വര്മ, ജിതേഷ് ശര്മ, ജസ്പ്രീത് ബുംറ എന്നിവര് ടീമിലിടംപിടിച്ചു.
പരിക്കില് നിന്ന് മുക്തനായ ഓള്റൗണ്ടര് ഹാര്ദിക് പാണ്ഡ്യ ടീമില് തിരിച്ചെത്തി. രണ്ട് മാസത്തിലധികം അന്താരാഷ്ട്ര ക്രിക്കറ്റില് നിന്ന് വിട്ടുനിന്നതിന് ശേഷമാണ് ഹാര്ദിക് പാണ്ഡ്യ ടീമിലേക്ക് തിരിച്ചെത്തുന്നത്.
