കോട്ടയം: നല്ല മധുരമുള്ള ഫില്ലിംഗ്, പഞ്ഞിപോലുള്ള സോഫ്റ്റ് ക്രീം ബണ്‍ നല്ല ചൂടോടെ കഴിച്ചിട്ടുണ്ടോ?
ചില്ലുകൂട്ടിലിരിക്കുമ്പോള്‍ ചിലപ്പോള്‍ കട്ടിയായി പോകുന്നത് കൊണ്ട് ആ ചൂടോടെ കഴിക്കുമ്പോള്‍ കിട്ടുന്ന ആ ടേസ്റ്റ് ഒരുപക്ഷേ നിങ്ങള്‍ക്ക് അനുഭവിക്കാൻ കഴിഞ്ഞിട്ടുണ്ടാവില്ല.
എന്നാല്‍ ആ വിദ്യ പറഞ്ഞു തരട്ടെ ? വായിലിട്ടാല്‍ അലിയുന്ന സോഫ്റ്റ് ബണ്‍ റെസിപ്പി ഇതാ
Whatsapp Group 1 | Whatsapp Group 2 |Telegram Group
ചേരുവകള്‍
പാല്‍- 2 കപ്പ്
യീസ്റ്റ്- 2 ടീസ്പൂണ്‍
പഞ്ചസാര- 4 1/2 ടേബിള്‍സ്പൂണ്‍
മൈദ- 2 1/2 കപ്പ്
മുട്ട- 2
എണ്ണ- 3 1/2 ടേബിള്‍സ്പൂണ്‍
വാനില എസെൻസ്- 2 ടീസ്പൂണ്‍
നെയ്യ് അല്ലെങ്കില്‍ വെണ്ണ- 1 ടീസ്പൂണ്‍
കസ്റ്റാർഡ് പൊടി – 2 ടേബിള്‍സ്പൂണ്‍
തയ്യാറാക്കുന്ന വിധം
പാല്‍ തിളപ്പിക്കുക. ഇതിലേക്ക് മൈദാ ചേർത്ത് യോജിപ്പിക്കാം. ഇനി ഇതിലേക്ക് പഞ്ചസാരയും യീസ്റ്റും ചേർത്ത് അല്‍പ സമയം മാറ്റി വയ്ക്കാം. ഒപ്പം എണ്ണയും ചേർക്കാം. 2 മുട്ട പൊട്ടിച്ചതും ആവശ്യത്തിന് ഉപ്പും അര ടീസ്പൂണ്‍ വാനില എസെൻസും അതിലേയ്ക്കു ചേർത്തിളക്കി യോജിപ്പിച്ച്‌ പുളിക്കാൻ മാറ്റി വയ്ക്കാം. ഒരു പാൻ അടുപ്പില്‍ വച്ചു ചൂടാക്കാം അതിലേയ്ക്ക് അര കപ്പ് പാല്‍ ഒഴിക്കാം. അത് ചൂടായി വരുമ്ബോള്‍ 2 കസ്റ്റാർഡ് പൊടിയും, 3 ടേബിള്‍സ്പൂണ്‍ പഞ്ചസാരയും, 1 ടീസ്പൂണ്‍ വാനില എസെൻസും, 1 ടീസ്പൂണ്‍ നെയ്യും ചേർത്തിളക്കി യോജിപ്പിക്കാം. ഇത് ഒരു ചെറിയ ബൗളിലേയ്ക്കു മാറ്റി വയ്ക്കാം. അടി കട്ടിയുള്ള ഒരു പാത്രം അടുപ്പില്‍ വച്ച്‌ വറുക്കാനാവശ്യത്തിന് എണ്ണ ഒഴിച്ചു ചൂടാക്കാം. കുഴിവുള്ള തവിയിലേയ്ക്ക് ചൂടായ എണ്ണയില്‍ നിന്നും അല്‍പം എടുക്കാം. അതിലേയ്ക്ക് പുളിച്ച മാവ് ഒഴിക്കാം. അത് അടുപ്പില്‍ തിളച്ചു വരുന്ന എണ്ണയിലേയ്ക്കു ചേർത്ത് വറുക്കാം. ഇങ്ങനെ വറുത്തെടുത്ത ബണ്‍ അല്‍പ്പമൊന്ന് തണുത്തതിനു ശേഷം നടുവെ മുറിച്ച്‌ തയാറാക്കി വച്ചിരിക്കുന്ന കസ്റ്റാർഡ് ഫില്ലിംഗ് ഉള്ളില്‍ പുരട്ടാം. ശേഷം ആവശ്യാനുസരണം കഴിക്കാം.
