സ്വന്തം ലേഖകൻ
പത്തനംതിട്ട :തിരുവല്ലയില് സിപിഎം ലോക്കൽ സെക്രട്ടറിയെ വെട്ടിക്കൊന്നു. കൊലപാതകത്തിന് പിന്നിൽ ആർ എസ് എസ് എന്ന് സി പി എം.
പെരിങ്ങര സിപിഎം ലോക്കല് കമ്മിറ്റി സെക്രട്ടറിയും മുന് പഞ്ചായത്ത് അംഗവുമായ പി.ബി.സന്ദീപ് കുമാറിനെയാണ് വെട്ടിക്കൊന്നത്.
Whatsapp Group 1 | Whatsapp Group 2 |Telegram Group
വ്യാഴാഴ്ച രാത്രി എട്ട് മണിയോടെയാണ് സംഭവം. ബൈക്കില് എത്തിയ മൂന്നംഗ സംഘമാണ് സന്ദീപിനെ വെട്ടിയതെന്നാണ് പ്രാഥമിക വിവരം. ഗുരുതരമായ പരിക്കുകളോടെ സന്ദീപിനെ ആശുപത്രിയില് എത്തിച്ചെങ്കിലും അല്പസമയത്തിനകം മരണം സ്ഥിരീകരിച്ചു.
കഴിഞ്ഞകഴിഞ്ഞ കുറച്ചു ദിവസമായി പെരിങ്ങര മേഖലയില് ആര്എസ്എസ് – സിപിഎം സംഘര്ഷം നിലനിന്നിരുന്നു.
കൊലയ്ക്ക് പിന്നില് ആര്എസ്എസ് ആണെന്ന് സിപിഎം പ്രാദേശിക നേതൃത്വം ആരോപിക്കുന്നു.
മുന്കാലത്ത് കാര്യമായ രാഷ്ട്രീയ സംഘര്ഷങ്ങളൊന്നും ഇല്ലാതിരുന്ന സ്ഥലമായിരുന്നു ഇതെന്നാണ് പൊലീസ് പറയുന്നത്. കൊലപാതകവിവരം പുറത്തു വന്നതിന് പിന്നാലെ സ്ഥലത്തേക്ക് കൂടുതല് പൊലീസ് എത്തിയിട്ടുണ്ട്.
സ്ഥലത്ത് സംഘർഷാവസ്ഥ നിലനിൽക്കുകയാണ്.
