മൂലവട്ടം ദിവാൻ കവലയിൽ സ്ഥാപിച്ചിരുന്ന സിപിഎമ്മിന്റെ കൊടിമരം തകർത്തു: അക്രമത്തിന് പിന്നിൽ കോൺഗ്രസ് എന്ന് സിപിഎം

സ്വന്തം ലേഖകൻ
മൂലവട്ടം : ദിവാൻ കവലയിൽ സ്ഥാപിച്ചിരുന്ന സിപിഎമ്മിന്റെ കൊടിമരവും രക്തസാക്ഷി മണ്ഡപവും തകർത്തു.

സി പി എം ജില്ലാ സമ്മേളനത്തോടനുബന്ധിച്ച് സ്ഥാപിച്ചിരുന്ന കൊടിമരവും രക്തസാക്ഷി മണ്ഡപവും രാത്രിയുടെ മറവിൽ കോൺ​ഗ്രസുകാർ നശിപ്പിച്ചുവെന്ന് സി.പി.എം ആരോപിച്ചു.

സിപിഎം ലോക്കൽ കമ്മിറ്റികളുടേയും ബ്രാഞ്ച് കമ്മിറ്റികളുടെയും മേൽനോട്ടത്തിൽ സ്ഥാപിച്ചിരുന്ന കൊടിമരവും മറ്റ് അനുബന്ധ അലങ്കാര തോരണങ്ങളുമാണ് നശിപ്പിച്ചത്.

നാട്ടകം സുരേഷിന്റെ ഒത്താശയെടെയാണ് കോൺ​ഗ്രസ് പ്രവർത്തകർ കൊടി മരവും അലങ്കാര തോരണങ്ങളും നശിപ്പിതച്ചതെന്ന് സിപി എം ആരോപിച്ചു.

കോൺ​ഗ്രസ് പ്രവർത്തകർ കാണിച്ചത് തികച്ചും അപലപനീയമെന്ന് ലോക്കൽ സെക്രട്ടറി ആന്റണി നോബി മാത്യു, അഭിലാഷ് സി ആർ എന്നിവർ തേർഡ് ഐ ന്യൂസിനോട് പറഞ്ഞു.