പെരിയ ഇരട്ടക്കൊലപാതകത്തിൽ പിടിയിലായ പീതാംബരനെ സിപിഎം പുറത്താക്കി

സ്വന്തം ലേഖകൻ

തിരുവനന്തപുരം: പെരിയയിലെ യൂത്ത് കോൺഗ്രസ് പ്രവർത്തകരുടെ കൊലപാതകം ആസൂത്രണം ചെയ്ത ലോക്കൽ കമ്മിറ്റി അംഗം എ. പീതാംബരനെ സിപിഎം പുറത്താക്കി. സംസ്ഥാന കമ്മിറ്റിയുടെ തീരുമാനത്തിൻറെ അടിസ്ഥാനത്തിലാണ് നടപടി.

കൊലപാതകത്തിൽ പാർട്ടി പ്രവർത്തകർ ഉൾപ്പെട്ടിട്ടുണ്ടെങ്കിൽ വച്ചുപൊറുപ്പിക്കില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ വ്യക്തമാക്കിയിരുന്നു.

ഒളിവിലായിരുന്ന പീതാംബരനെ തിങ്കളാഴ്ച അർദ്ധരാത്രിയിലാണ് പോലീസ് പിടികൂടിയത്. കൊലപാതകം ആസൂത്രണം ചെയ്തത് പീതാംബരനാണെന്ന് പോലീസ് വ്യക്തമാക്കിയിരുന്നു.