കോടയം: നവോത്ഥാന പോരാട്ടത്തിൻ്റെയും കേരളത്തിലെ കമ്മ്യൂണിസ്റ്റ് പാർട്ടിയുടെ സ്ഥാപക സെക്രട്ടറി പി. കൃഷ്‌ണപിള്ളയുടെ ജന്മഭൂമിയുമായ വൈക്കത്ത് സിപിഐ കോട്ടയം ജില്ലാ സമ്മേളനം ആഗസ്റ്റ് 8,9,10 തീയതികളിൽ നടക്കും.
ആഗസ്റ്റ് 8ന് വൈക്കം വലിയ കവലയിൽനിന്ന് റെഡ്‌വളണ്ടിയർ പരേഡ് ആരംഭിക്കും. ജില്ലയുടെ വിവിധ കേന്ദ്രങ്ങളിൽ നിന്നും പതാക-ബാനർ – കൊടിമര ജാഥകൾ ജെട്ടി മൈതാനത്ത് വൈകുന്നേരം അഞ്ചുമണിക്ക് എത്തിച്ചേർന്ന് കാനം സ്മൃതി മണ്ഡപത്തിൽ നിന്നുള്ള പതാക ജില്ലാ സെക്രട്ടറി അഡ്വ. വി.ബി. ബിനുവും കോട്ടയത്ത് എൻ.കെ. സാനുജൻ്റെ സ്മൃതി മണ്ഡപത്തിൽ നിന്നുള്ള ബാനർ ഇ.എൻ. ദാസപ്പനും കുറവിലങ്ങാട് എൻ.എം.മോഹനൻ്റെ സ്മൃതി മണ്ഡപത്തിൽ നിന്നുള്ള ബാനർ ലീനമ്മ ഉദയകുമാറും വൈക്കപ്രയാർ ലൈലാ രാധാകൃഷ്ണന്റെ സ്മൃതി മണ്ഡപത്തിൽ നിന്നുള്ള കൊടിമരം ടി.എൻ.രമേശനും ഏറ്റുവാങ്ങും.
തുടർന്ന് സംഘാടക സമിതി പ്രസിഡണ്ട് ജോൺ വി. ജോസഫ് പതാക ഉയർത്തും. ജെട്ടി മൈതാനത്ത് റെഡ് വളണ്ടിയേഴ്‌സിന്റെ സല്യൂട്ടിനു ശേഷം കാനം രാജേന്ദ്രൻ നഗറിൽ പൊതുസമ്മേളനം അഡ്വ. വി. ബിനുവിന്റെ അധ്യക്ഷതയിൽ സംസ്ഥാന സെക്രട്ടറി ബിനോയി വിശ്വം ഉദ്ഘാടനം ചെയ്യും. റവന്യൂ മന്ത്രി കെ.രാജൻ, ആർ. രാജേന്ദ്രൻ, സി.കെ.ശശിധരൻ എന്നിവർ പ്രസംഗിക്കും.
Whatsapp Group 1 | Whatsapp Group 2 |Telegram Group
സമ്മേളനത്തോടനുബന്ധിച്ചു നടത്തിയ കലാസാഹിത്യ മത്സരങ്ങളിലെ വിജയികൾക്കുള്ള സമ്മാന വിതരണം നടത്തും. തുടർന്ന് ഇപ്റ്റയുടെ വയലാർ ഗാനസദസ്സും ഉണ്ടായിരിക്കും.
ആഗസ്റ്റ് 9 ന് രാവിലെ 9.30 ന് വൈക്കം എൻ എസ് എസ് ഓഡിറ്റോറിയത്തിലെ ആർ.ബിജു നഗറിൽ പ്രതിനിധി രജിസ്ട്രേഷൻ ആരംഭിക്കും. ജില്ലയിലെ 11 മണ്ഡലം സമ്മേളനങ്ങളിൽ നിന്നും തിരഞ്ഞെടുക്കപ്പെട്ട 325 പ്രതിനിധികളാണ് സമ്മേളനത്തിൽ പങ്കെടുക്കുന്നത്.
10.30ന് വലിയ കവലയിലെ പ്രത്യേകം തയ്യാറാക്കിയ സ്ക്വയറിൽ രക്തസാക്ഷി മണ്ഡപത്തിൽ പുഷ്‌പാർച്ചനയും മുതിർന്ന നേതാവ് പാലായിലെ കെ.എസ്.മാധവൻ പതാകയും ഉയർത്തും. 11 മണിക്ക് ആർ.ബിജു നഗറിൽ സിപിഐ ദേശീയ എക്‌സിക്യൂട്ടീവ് അംഗം പി.സന്തോഷ് കുമാർ എംപി പ്രതിനിധി സമ്മേളനം ഉദ്ഘാടനം ചെയ്യും. കെ. പി. രാജേന്ദ്രൻ, പി.പി. സുനീർ എംപി, ടി.വി. ബാലൻ, സി.പി.മുരളി, പി. പ്രസാദ്, കെ.കെ.അഷ്റഫ്, പി.വസന്തം എന്നിവർ സമ്മേളനത്തിൽ പങ്കെടുത്ത് സംസാരിക്കും. ജില്ലാ സെക്രട്ടറി പ്രവർത്തന റിപ്പോർട്ടും കണക്കും അവതരിപ്പിക്കും.
വൈകുന്നേരം 5.30 ന് ജെട്ടി മൈതാനിയിലെ പി. എസ്. ശ്രീനിവാസൻ – സി.കെ. വിശ്വനാഥൻ നഗറിൽ കമ്മ്യൂണിസ്റ്റ് പാർട്ടിയുടെ ജന്മശതാബ്ദി സമ്മേളനം ആരംഭിക്കും. സി.കെ. ആശ എംഎൽഎ യുടെ അധ്യക്ഷതയിൽ ചേരുന്ന ശതാബ്ദി സമ്മേളനം കൃഷി lവകുപ്പ് മന്ത്രി പി. പ്രസാദ് ഉദ്ഘാടനം ചെയ്യും.
സമ്മേളനത്തിൽ യുവകലാസാഹിതി സംസ്ഥാന പ്രസിഡണ്ട് ആലങ്കോട് ലീലാകൃഷ്‌ണൻ മുഖ്യപ്രഭാഷണം നടത്തും. കേരളത്തിലെ പ്രമുഖ വിപ്ലവ ഗായിക പി.കെ. മേദിനിയെ ആദരിക്കും.
ആഗസ്റ്റ് 10ന് രാവിലെ 9.30 ന് ആർ. ബിജു നഗറിൽ പ്രതിനിധി സമ്മേളനം തുടരുന്നു. ഉച്ചയ്ക്ക് ശേഷം പ്രതിനിധികളുടെ രാഷ്ട്രീയ – സംഘടന റിപ്പോർട്ടിൻമേലുള്ള ചർച്ചകൾക്ക് ജില്ലാ സെക്രട്ടറി മറുപടി പറയും. തുടർന്ന് സംസ്ഥാന സമ്മേളന പ്രതിനിധികളുടെയും പുതിയ ജില്ലാ കൗൺസിലിനെയും സമ്മേളനം തെരഞ്ഞെടുക്കും. തുടർന്ന് പുതിയ ജില്ലാ സെക്രട്ടറിയെ തെരഞ്ഞെടുക്കും.
വിവിധ പ്രമേയങ്ങളും, ക്യാമ്പയിനുകളും ക്രെഡൻഷ്യൽ റിപ്പോർട്ടും അവതരിപ്പിച്ച് സമ്മേളനം വൈകുന്നേരം അഞ്ചുമണിക്ക് സമാപിക്കും.
വനിതാ സംഗമം ചൊവ്വാഴ്ച
സിപിഐ കോട്ടയം ജില്ലാ സമ്മേളനത്തിൻ്റെ ഭാഗമയുള്ള വനിതാ സംഗമം നാളെ (ചൊവ്വാ) രാവിലെ 10 മണിക്ക് കോട്ടയം മാമൻമാപ്പിള ഹാളിൽ നടക്കുന്നതാണ്. സിപിഐ ദേശിയ സെക്രട്ടറിയേറ്റ് അംഗം ആനി രാജ സംഗമം ഉത്ഘാടനം ചെയ്യും. മഹിളാ സംഘം ജില്ലാ സെക്രട്ടറിയും ജില്ലാ പഞ്ചായത്ത് പ്രസിഡന്റുമായ ഹേമലത പ്രേംസാഗർ അധ്യക്ഷത വഹിക്കും
മൃഗസംരക്ഷ വകുപ്പ് മന്ത്രി ജെ. ചിഞ്ചുറാണി മഹിളാ സംഘം സംസ്ഥാന പ്രസിഡൻ്റ് അഡ്വ. പി. വസന്തം സിപിഐ ജില്ലാ സെക്രട്ടറി അഡ്വ. വി.ബി. ബിനു കേരള മഹിളാസംഗം ജില്ലാ പ്രസിഡൻ്റ് ലീനമ്മ ഉദയകുമാർ, സിപിഐ മണ്ഡലം സെക്രട്ടറി സന്തോഷ് കേശവനാഥ് എന്നിവർ സംസാരിക്കും.
സിപിഐ ജില്ലാ സെക്രട്ടറി
അഡ്വ.വി.ബി. ബിനു,
സംഘാടകസമിതി പ്രസിഡണ്ട്
ജോൺ. വി.ജോസഫ് ,
സംഘാടക സമിതി ജനറൽ സെക്രട്ടറി എം.ഡി.ബാബുരാജ്,
ജില്ലാ പഞ്ചായത്ത് പ്രസിഡണ്ടും
കേരള മഹിളാ സംഘം ജില്ലാ സെക്രട്ടറിയുമായ ഹേമലത പ്രേംസാഗർ എന്നിവർ
വാർത്താ സമ്മേളനത്തിൽ പരിപാടികൾ വിശദീകരിച്ചു
