സംസ്ഥാനത്ത് ഇന്ന്‌ ഉച്ചയോടെ മൂന്ന് ലക്ഷം ഡോസ് കോവിഡ് വാക്സിൻ എത്തും; നാളെ എല്ലാ ജില്ലകളിലും വാക്സിനേഷൻ; കോട്ടയം ജില്ലയിൽ ഉൾപ്പെടെ പൂർണമായും വാക്സിനേഷൻ മുടങ്ങിയത് തിരിച്ചടിയായി

സ്വന്തം ലേഖകൻ

കോട്ടയം: സംസ്ഥാനത്ത് ഇന്ന്‌ ഉച്ചയോടെ കോവിഡ് വാക്സിൻ എത്തും. മൂന്ന് ലക്ഷം ഡോസ് വാക്സിൻ ആണ് എത്തുക. വാക്സിനേഷൻ ഊർജപ്പെടുത്തുന്നതിന്റെ ഭാഗമായി സംസ്ഥാന സർക്കാർ തുടക്കം കുറിച്ച വാക്സിനേഷൻ യജ്ഞ ഇന്നലെയും എന്നും പൂർണമായും പാളിയിരുന്നു.

നാളെ മാത്രമേ വാക്സിൻ എത്തുകയുള്ളു എന്ന് കേന്ദ്രം അറിയിച്ചതായി ആരോഗ്യവകുപ്പ് അറിയിച്ചിരുന്നു. എന്നാൽ താൽക്കാലിക ആശ്വാസം എന്ന നിലയിൽ ഇന്ന് ഉച്ചയോടെ തന്നെ വാക്സിൻ എത്തും.

തിരുവനന്തപുരം, കൊല്ലം, ആലപ്പുഴ, കോട്ടയം വയനാട് എന്നീ ജില്ലകളിൽ കഴിഞ്ഞ ദിവസം പൂർണമായും വാക്സിൻ തീർന്നിരുന്നു. ഇന്ന്‌ പല വാക്സിനേഷൻ കേന്ദ്രങ്ങളിലും വാക്സിനേഷൻ മുടങ്ങും.

ചുരുക്കം ഡോസ് വാക്സിൻ മാത്രമാണ് കേരളത്തിൽ ഇനി അവശേഷിക്കുന്നത്. കൂടുതൽ ഡോസ് വാക്സിൻ ഈ ഘട്ടത്തിൽ എത്തുന്നത് താൽക്കാലിക ആശ്വാസമാകുകയാണ്.