കോവിഡ് വ്യാപനം ഏറ്റവും രൂക്ഷമായ സംസ്ഥാനം കേരളം: കേന്ദ്ര ആരോഗ്യ മന്ത്രാലയം
സ്വന്തം ലേഖകന്‍
ന്യൂഡല്‍ഹി: രാജ്യത്ത് കോവിഡ് വ്യാപനം ഏറ്റവും രൂക്ഷം കേരളത്തിലെന്ന് കേന്ദ്ര ആരോഗ്യ മന്ത്രാലയം. പുതിയ കോവിഡ് കേസുകള്‍ ഏറ്റവുമധികം റിപ്പോര്‍ട്ട് ചെയ്യുന്നത്് കേരളത്തിലാണ്. കഴിഞ്ഞ ദിവസം 3527 കോവിഡ് കേസുകളാണ് കേരളത്തില്‍ റിപ്പോര്‍ട്ട് ചെയ്തത്. 2854 കേസുകളുമായി മഹാരാഷ്ട്രയാണ് തൊട്ടുപിന്നില്‍. പശ്ചിമ ബംഗാള്‍, ഉത്തര്‍പ്രദേശ്, ഛത്തീസ്ഗഡ്, തമിഴ്നാട്, മധ്യപ്രദേശ്, ഗുജറാത്ത് എന്നിവയാണ് കോവിഡ് വ്യാപനം അതിവേഗത്തിലായിക്കൊണ്ടിരിക്കുന്ന മറ്റു സംസ്ഥാനങ്ങള്‍.
രോഗമുക്തിയിലും മുന്നിട്ട് നില്‍ക്കുന്നത് കേരളമാണ്. കഴിഞ്ഞദിവസം 3782 പേരാണ് രോഗമുക്തി നേടിയത്. പശ്ചിമബംഗാള്‍, ഛത്തീസ്ഗഡ്, മഹാരാഷ്ട്ര, ഉത്തര്‍പ്രദേശ്, മധ്യപ്രദേശ് എന്നി സംസ്ഥാനങ്ങളാണ് തൊട്ടുപിന്നില്‍.
Whatsapp Group 1 | Whatsapp Group 2 |Telegram Group
കേരളം ഉള്‍പ്പെടെ പത്ത് സംസ്ഥാന- കേന്ദ്ര ഭരണപ്രദേശങ്ങളിലാണ് പുതിയ കോവിഡ് കേസുകളില്‍ ഭൂരിഭാഗവും റിപ്പോര്‍ട്ട് ചെയ്തത്. പുതിയ കോവിഡ് കേസുകളില്‍ 76.52 ശതമാനവും ഈ സംസ്ഥാനങ്ങളില്‍ നിന്നാണെന്നും കേന്ദ്ര ആരോഗ്യമന്ത്രാലയം വ്യക്തമാക്കി.
