ചെമ്പ് പാത്രങ്ങൾക്ക് കാണാൻ നല്ല ഭംഗിയാണ്. എന്നാൽ കാണാനുള്ള ഭംഗി മാത്രമല്ല, ചെമ്പ് പാത്രത്തില്‍ ഭക്ഷണം കഴിച്ചാല്‍ നിരവധി ആരോഗ്യ ഗുണങ്ങളും ലഭിക്കുന്നു.
പക്ഷേ നിരന്തരമായി ചെമ്പ് പാത്രം ഉപയോഗിക്കുമ്പോൾ ഇതിന്റെ തിളക്കം പെട്ടന്ന് നഷ്ടപ്പെടാൻ സാധ്യതയുണ്ട്. മങ്ങിയ ചെമ്പ് പാത്രത്തിന്റെ തിളക്കം കൂട്ടാൻ വീട്ടിൽത്തന്നെ കുറച്ചു പൊടി കൈകൾ ചെയ്യാം.
1) നാരങ്ങയും ഉപ്പും ചേർത്ത് മിശ്രിതം തയാറാക്കാം. ഇത് പാത്രത്തില്‍ നന്നായി തേച്ചുപിടിപ്പിക്കണം. അരമണിക്കൂർ അങ്ങനെ തന്നെ വെച്ചതിന് ശേഷം നന്നായി ഉരച്ച്‌ കഴുകണം. ഇത് മങ്ങിയ പാത്രം തിളക്കമുള്ളതാക്കാൻ സഹായിക്കുന്നു. അല്ലെങ്കില്‍ പാതി മുറിച്ച നാരങ്ങ പാത്രത്തില്‍ ഉരച്ചും കഴുകിയെടുക്കാം.
Whatsapp Group 1 | Whatsapp Group 2 |Telegram Group
2) നാരങ്ങയ്ക്ക് പകരം വിനാഗിരി ഉപയോഗിച്ചും മങ്ങിയ പാത്രം തിളക്കമുള്ളതാക്കാൻ സാധിക്കും. ഉപ്പും വിനാഗിരിയും ചേർത്തതിന് ശേഷം പാത്രത്തില്‍ തേച്ചുപിടിപ്പിക്കാം. ശേഷം നന്നായി കഴുകിയെടുത്താല്‍ മതി .
3) കെച്ചപ്പ് ഉപയോഗിച്ചും പാത്രം തിളക്കമുള്ളതാക്കാൻ സാധിക്കും. കെച്ചപ്പില്‍ അസിഡിറ്റി ഉണ്ട്. ഇത് ചെമ്ബിലെ കറകളെ എളുപ്പത്തില്‍ നീക്കം ചെയ്യുന്നു. പാത്രത്തിലേക്ക് കുറച്ച്‌ കെച്ചപ്പ് ഒഴിച്ചതിന് ശേഷം കുറച്ച്‌ നേരം അങ്ങനെ തന്നെ വെച്ചിരിക്കാം. ശേഷം ഒരു സ്പോഞ്ച് ഉപയോഗിച്ച്‌ നന്നായി ഉരച്ചെടുത്തല്‍ മതി. കഴുകിയതിന് ശേഷം ഒലിവ് എണ്ണ പാത്രത്തില്‍ തേച്ചുപിടിപ്പിക്കുന്നതും നല്ലതാണ്.
4) ഗോതമ്പ് പൊടി, ഉപ്പ്, സോപ്പ് പൊടി എന്നിവ ഒരേ അളവില്‍ ചേർത്തതിന് ശേഷം അതിലേക്ക് വിനാഗിരി, നാരങ്ങ നീര്, വെള്ളം എന്നിവ ചേർത്ത് മിക്സ് തയാറാക്കാം. ശേഷം മിക്സ് പുരട്ടി സ്പോഞ്ച് ഉപയോഗിച്ച്‌ നന്നായി ഉരച്ച്‌ കഴുകിയെടുത്താല്‍ പാത്രം തിളക്കമുള്ളതാകുന്നു.
