ഗ്യാ​സ് ഗോ​ഡൗ​ണ്‍ നി​ർ​മി​ക്കു​ന്ന​തി​നെ​തി​രെ പ​രാ​തി ന​ല്‍കി ;ച​ങ്ങ​നാ​ശ്ശേ​രിയിൽ പ​രാ​തി​ക്കാ​ര​നെയും ഭാര്യയെയും വീട് കയറി ആക്രമിച്ച് പ​ത്തം​ഗ സം​ഘം ; റോ​ഡി​ല്‍ ഇ​റ​ങ്ങി​യാ​ല്‍ കൊ​ന്നു​ക​ള​യു​മെ​ന്ന് ഭീ​ഷ​ണി

സ്വന്തം ലേഖകൻ  

ച​ങ്ങ​നാ​ശ്ശേ​രി: ഗ്യാ​സ് ഗോ​ഡൗ​ണ്‍ നി​ർ​മി​ക്കു​ന്ന​തി​നെ​തി​രെ പ​രാ​തി ന​ല്‍കി​യ കു​ടും​ബ​ത്തെ വീ​ടു​ക​യ​റി ആ​ക്ര​മി​ച്ച​താ​യി പ​രാ​തി. പ​രാ​തി​ക്കാ​ര​ന്‍ ജോ​സ​ഫി​നെ​യും ഭാ​ര്യ ജ​യ​മ്മ ജോ​സ​ഫി​നെ​യും വീ​ട്ടി​ല്‍ ക​യ​റി ആ​ക്ര​മി​ക്കു​ക​യും റോ​ഡി​ല്‍ ഇ​റ​ങ്ങി​യാ​ല്‍ കൊ​ന്നു​ക​ള​യു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്​​ത​താ​യാ​ണ്​ തൃ​ക്കൊ​ടി​ത്താ​നം പൊ​ലീ​സി​ൽ പ​രാ​തി ന​ൽ​കി​യ​ത്.

അ​യ​ര്‍കാ​ട്ടു​വ​യ​ല്‍ ഫ്ര​ണ്ട്‌​സ് ലൈ​ബ്ര​റി​ക്ക് സ​മീ​പം ജ​ന​ങ്ങ​ള്‍ തി​ങ്ങി​പ്പാ​ര്‍ക്കു​ന്ന പ്ര​ദേ​ശ​ത്ത് ഗ്യാ​സ് ഗോ​ഡൗ​ണ്‍ നി​ർ​മി​ക്കു​ന്ന​തി​നെ​തി​രെ സ​മീ​പ​വാ​സി ജോ​സ​ഫ് തോ​മ​സും 17 കു​ടും​ബ​വും ക​ല​ക്ട​ര്‍ക്കും തൃ​ക്കൊ​ടി​ത്താ​നം ഗ്രാ​മ​പ​ഞ്ചാ​യ​ത്തി​നും പ​രാ​തി ന​ൽ​കി​യി​രു​ന്നു.

ഇ​തി​ന്‍റെ വൈ​രാ​ഗ്യ​ത്തി​ൽ മൂ​ന്നു​കാ​റി​ല്‍ എ​ത്തി​യ പ​ത്തം​ഗ സം​ഘ​ത്തി​ൽ അ​ഞ്ചു​പേ​ർ ഗേ​റ്റ് ച​വി​ട്ടി​ത്തു​റ​ന്ന് അ​തി​ക്ര​മി​ച്ചു ക​യ​റി വീ​ടി​ന്റെ തി​ണ്ണ​യി​ല്‍ പേ​ര​ക്കു​ട്ടി​ക​ളു​മാ​യി ഇ​രു​ന്ന ജോ​സ​ഫി​നെ​യും വ​യോ​ധി​ക​രാ​യ മാ​താ​പി​താ​ക്ക​ളെ​യും അ​സ​ഭ്യം പ​റ​ഞ്ഞ് ആ​ക്ര​മി​ക്കു​ക​യാ​യി​രു​ന്നു​വെ​ന്ന്​ പ​രാ​തി​യി​ൽ പ​റ​യു​ന്നു.

ജോ​സ​ഫി​നെ കോ​ള​റി​ന് പി​ടി​ച്ച് ഉ​യ​ര്‍ത്തി താ​ഴെ​യി​ട്ട് മ​ര്‍ദി​ക്കു​ന്ന​ത് ക​ണ്ട് ത​ട​യാ​ന്‍ ശ്ര​മി​ച്ച ഭാ​ര്യ ജ​യ​മ്മ​യു​ടെ വ​ല​തു​കൈ പി​ടി​ച്ച് തി​രി​ച്ച് ഉ​പ​ദ്ര​വി​ച്ചു.

വീ​ടി​നു​ള്ളി​ല്‍ ക​യ​റി ക​ത​ക് അ​ട​ക്കാ​ന്‍ ശ്ര​മി​ച്ച​പ്പോ​ള്‍ ക​ത​ക് ച​വി​ട്ടി​ത്തു​റ​ന്ന് അ​ക​ത്ത് ക​യ​റി ജ​യ​മ്മ​യെ ത​ള്ളി മാ​റ്റി ഭ​ര്‍ത്താ​വി​നെ വീ​ടി​നു​ള്ളി​ല്‍ ക​യ​റി മ​ര്‍ദി​ച്ച​താ​യും കു​ടും​ബ​ത്തി​നും സ്വ​ത്തി​നും സം​ര​ക്ഷ​ണം ന​ൽ​ക​ണ​മെ​ന്നും ജ​യ​മ്മ തൃ​ക്കൊ​ടി​ത്താ​നം പൊ​ലീ​സി​ന് ന​ൽ​കി​യ പ​രാ​തി​യി​ൽ പ​റ​യു​ന്നു.