കോട്ടയം:പാമ്പാടി ഗ്രാമപഞ്ചായത്തിലെ 12, 14 വാർഡുകളിലെ റോഡുകളുടെ ശോച്യാവസ്ഥയിൽ പ്രതിഷേധിച്ച് വാർഡ് കോൺഗ്രസ് കമ്മിറ്റികളുടെ നേതൃത്വത്തിൽ പ്രതിഷേധ റാലിയും പൊതുസമ്മേളനവും സംഘടിപ്പിച്ചു.
ചാണ്ടി ഉമ്മൻ ഉദ്ഘാടനം ചെയ്തു.മുഖ്യമന്ത്രി രാജി വയ്ക്കണമെന്ന് ആവശ്യപ്പെട്ട് നടത്തിയ സെക്രട്ടറിയേറ്റ് ഉപരോധം ഒറ്റരാത്രികൊണ്ട് പൊളിച്ച ഉമ്മൻചാണ്ടിയുടെ മകനെ വിരട്ടാൻ നോക്കി നാണം കെടരുതെന്ന് ചാണ്ടി ഉമ്മൻ പറഞ്ഞു.
താൻ നടത്തുന്നത് നാടകമാണെങ്കിൽ കഴിഞ്ഞ 31ന് പുതുപ്പള്ളി പള്ളിയുടെ ഓഡിറ്റോറിയത്തിൽ നടന്ന നാടകം സി പി എമ്മുകാർ വന്ന് കാണേണ്ടതായിരുന്നു എന്നും അത്തരം നാടകങ്ങൾ തുടരുമെന്നും എം എൽ എ പറഞ്ഞു.
Whatsapp Group 1 | Whatsapp Group 2 |Telegram Group
ചാണ്ടി ഉമ്മനെതിരെയുള്ള സി പി എമ്മിന്റെ പ്രകടനത്തിനോടും ആരോപണത്തോടും പ്രതികരിക്കുകയായിരുന്നു അദ്ദേഹം.
ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ.ബി ഗിരീശൻ വാഹന ജാഥയുടെ ഉദ്ഘാടനം മാന്തുരുത്തി പള്ളിക്കുന്നിൽ നിർവഹിച്ചു.
സംഘാടകസമിതി കൺവീനർ അഡ്വ. സിജു കെ ഐസക്കിന്റെ അധ്യക്ഷതയിൽ ചേർന്ന സമാപന യോഗത്തിൽ കെ പി സി സി ജനറൽ സെക്രട്ടറിയും ഐ എൻ റ്റി യുസി ജില്ലാ പ്രസിഡന്റുമായ ഫിലിപ്പ് ജോസഫ് ഡ്രൈവർമാർക്ക് ഐഡന്റിറ്റി കാർഡുകൾ വിതരണം ചെയ്തു.
വി. ഡി ഫി ലിപ്പോസ്, മോഹൻ കെ നായർ, കെ എ തോമസ്, ഗീവർഗ്ഗീസ് കെ എ എന്നിവരെ ആദരിച്ചു.ബ്ലോക്ക് സെക്രട്ടറി മാരായ ഗോപാലകൃഷ്ണൻ, ബിജു പുത്തൻകുളം, രതീഷ് തോട്ടപ്പള്ളി, പ്രിൻസ് കാർത്തി,കർഷക കോൺഗ്രസ് ജില്ലാ സെക്രട്ടറി എബി ഐപ്പ്, മണ്ഡലം പ്രസിഡന്റ് എബിൻ കെ രാജ്, പ്രചാർ വിഭാഗ് മണ്ഡലം പ്രസിഡന്റ് ബോബി മുട്ടം, ഐ എൻ റ്റി യു സി യൂണിറ്റ് കൺവീനർ മാത്യു രാജൻ, ജോർജ് വർഗീസ് കൂട്ടുങ്കൽ, ജേക്കബ് പി ഫിലിപ്പ് എന്നിവർ കുറ്റിക്കൽ ബാങ്ക് കവലയിൽ നിന്നും പള്ളിക്കവലയിലേക്ക് നടത്തിയ പദയാത്രക്ക് നേതൃത്വം നൽകി.
