സ്വന്തം ലേഖിക
പാലക്കാട്: പാലക്കാട് കണ്ണാടിയില് നാല് കോണ്ഗ്രസ് പ്രവര്ത്തകര്ക്ക് വെട്ടേറ്റു.വിനീഷ്, റെനില്, അമല്, സുജിത്ത് എന്നിവര്ക്കാണ് വെട്ടേറ്റത്. വിനീഷും, റെനിലും കോണ്ഗ്രസിന്റെ മുന് പഞ്ചായത്ത് അംഗങ്ങളാണ്.
ഇന്ന് രാവിലെ 10.30 ഓടെയായിരുന്നു സംഭവം. ബ്ലേഡ് മാഫിയയാണ് ആക്രമണത്തിന് പിന്നിലെന്ന് പരിക്കേറ്റ റെനില് പറഞ്ഞു. സുഹൃത്തായ ഓട്ടോറിക്ഷ ഡ്രൈവര് 5000 രൂപ പലിശയ്ക്ക് പണം എടുത്തിരുന്നു. എന്നാല് തിരിച്ചടവില് രണ്ടുമൂന്ന് തവണ വീഴ്ച്ച വന്നു.
Whatsapp Group 1 | Whatsapp Group 2 |Telegram Group
അതിന്റെ വൈരാഗ്യത്തില് കഴിഞ്ഞ ദിവസം രാത്രി ഓട്ടോഡ്രൈവറെ പലിശ സംഘം ആക്രമിക്കാനെത്തി. എന്നാല് തങ്ങള് ഇടപെട്ട് പിരിച്ചുവിട്ടു. എന്നാല് രാവിലെ മാരകായുധങ്ങളുമായി എത്തിയ സംഘം തങ്ങളെ ആക്രമിക്കുകയായിരുന്നു എന്ന് റെനില് പറയുന്നു. അക്രമിസംഘം ആറോളം പേരുണ്ടായിരുന്നു. പുറത്താണ് തനിക്ക് പരിക്കേറ്റത്. കണ്ണാടി സ്വദേശിയായ, യൂത്ത് കോണ്ഗ്രസ് പ്രവര്ത്തകനായ ഓട്ടോഡ്രൈവറാണ് പണം പലിശക്കെടുത്തത്.കാറില് നിന്നും ഇറങ്ങിയ ഉടന് അക്രമികള് മാരകായുധങ്ങളുമായി ആക്രമിക്കുകയായിരുന്നു എന്നും റെനില് പറഞ്ഞു.
