പാലക്കാട് : രാഹുല് മാങ്കൂട്ടത്തിലിനെതിരെ വീണ്ടും പരാതി. തന്റെ അസാന്നിധ്യം രാഹുൽ മുതലെടുത്തെന്ന് ആരോപിച്ച് പരാതിക്കാരിയുടെ ഭർത്താവാണ് ഇപ്പോൾ രംഗത്ത് എത്തിയിരിക്കുന്നത്.
രാഹുല് തന്റെ കുടുംബ ജീവിതം തകർത്തെന്നാണ് പരാതിക്കാരിയുടെ ഭർത്താവ് പറയുന്നത്. ഇതുസംബന്ധിച്ച് മുഖ്യമന്ത്രിക്കും ഡിജിപിക്കും പരാതി നല്കി. രാഹുലിനെതിരെ ബിഎൻഎസ് 84 പ്രകാരം കേസ് എടുക്കണമെന്നാണ് ഇയാളുടെ ആവശ്യം. തൻ്റെ അസാന്നിധ്യം അവസരമാക്കി രാഹുല് മാങ്കൂട്ടത്തില് പരാതിക്കാരിയെ വശീകരിക്കുകയാരുന്നെന്ന് പരാതിയില് പറയുന്നു.
തനിക്ക് വലിയ മാനനഷ്ടം ഉണ്ടായി. വിവാഹിതയാണെന്നറിഞ്ഞിട്ടും രാഹുല് തൻ്റെ ഭാര്യയുമായി വഴിവിട്ട ബന്ധം സ്ഥാപിച്ചു. തൻ്റെ അസാന്നിധ്യം അവസരമാക്കി രാഹുല് മാങ്കൂട്ടത്തില് പരാതിക്കാരിയെ വശീകരിച്ചു. ഞങ്ങള് തമ്മിലുള്ള പ്രശ്നം തീർക്കാനാണ് ശ്രമിച്ചതെന്നായിരുന്നു രാഹുലിൻ്റെ വാദം. എന്നാല്, പ്രശ്നം പരിഹരിക്കാൻ ആയിരുന്നെങ്കില് എന്തുകൊണ്ട് തന്നെ ബന്ധപ്പെട്ടില്ലെന്നും ഭർത്താവ് നല്കിയ പരാതിയില് പറയുന്നു. അതേസമയം, ബലാത്സംഗ പരാതിയില് സത്യം ജയിക്കുമെന്നും സത്യം മാത്രമേ ജയിക്കാവൂ എന്നും രാഹുല് മാങ്കൂട്ടത്തില് പ്രതികരിച്ചു. നല്ല ആത്മവിശ്വാസം ഉണ്ടെന്നും രാഹുല് പറഞ്ഞു.
Whatsapp Group 1 | Whatsapp Group 2 |Telegram Group