കളക്ട്രേറ്റിനു സമീപം ഡീസൽ കയറ്റി വന്ന ലോറി മറിഞ്ഞു; പത്തോളം ബൈക്ക് യാത്രക്കാർക്ക് റോഡിൽ തെന്നി വീണ് പരിക്ക്

സ്വന്തം ലേഖകൻ

കോട്ടയം: ഡീസലുമായി നാഗമ്പടം ഭാഗത്തേക്ക് പോകുകയായിരുന്ന പിക്കപ്പ് വാനിൽനിന്നും ഡീസൽ നിറച്ചിരുന്ന വീപ്പ റോഡിലേക്ക് മറിഞ്ഞു വീഴുകയായിരുന്നു. അലക്ഷ്യമായി കൊണ്ടുപോവുകയായിരുന്ന 400 ലിറ്ററോളം ഡീസലാണ് 3.45 pmനോടു കൂടി റോഡിലേക്ക് മറിഞ്ഞു വീണത്.

പിക്കപ്പ് വാനിന്റെ പുറകെ എത്തിയ ബൈക്കുകാരാണ് റോഡിൽ തെന്നി വീണത്. സംഭവം കണ്ട യാത്രക്കാരും വ്യാപാരികളും ഉടൻതന്നെ ഫയർഫോഴ്‌സിലും പോലീസിലും അറിയിക്കുകയായിരുന്നു. ഫയർഫോഴ്‌സ് എത്തി ഡീസൽ വീണിടത്ത് അറക്കപ്പൊടി ഇട്ടതിനുശേഷം വെള്ളമൊഴിച്ച് കഴുകി കളയുകയായിരുന്നു.