ചിങ്ങവനത്തിനും , ചങ്ങനാശേരിയ്ക്കും ഇടയിൽ ഓടിക്കൊണ്ടിരുന്ന ട്രെയിനിന് നേരെ കല്ലെറിഞ്ഞ സംഭവം; രണ്ടു വിദ്യാര്‍ത്ഥികൾ പിടിയിൽ

സ്വന്തം ലേഖകൻ

കോട്ടയം: ചിങ്ങവനത്തിനും , ചങ്ങനാശേരിയ്ക്കും ഇടയിൽ ഓടിക്കൊണ്ടിരുന്ന ട്രെയിനിന് കല്ലെറിഞ്ഞ രണ്ടു വിദ്യാര്‍ഥികളെ ആര്‍പിഎഫ് പിടികൂടി. ട്രെയിനുകള്‍ക്കു നേരെ കല്ലെറിഞ്ഞ വിദ്യാര്‍ത്ഥികളെയാണ് കോട്ടയം ആര്‍പിഎഫ് പിടികൂടിയത്.

കഴിഞ്ഞ വെള്ളിയാഴ്ച വൈകിട്ടാണ് സംഭവം. പരശുറാം എക്സ്പ്രസിനും മെമുവിനും നേരെയാണു കല്ലേറുണ്ടായത്. യാത്രക്കാര്‍ക്ക് പരിക്കേറ്റിരുന്നില്ല.

കുറിച്ചി ഗ്രാമപഞ്ചായത്ത് വൈസ് പ്രസിഡന്റ് അനീഷ് തോമസിന്റെ സഹായത്തോടെ കോട്ടയം ആര്‍പിഎഫ് നടത്തിയ അന്വേഷണത്തിലാണ് പതിനേഴുകാരായ രണ്ടു പേരെ പിടികൂടിയത്. കോടതിയില്‍ ഹാജരാക്കിയ ഇവരെ പിന്നീട് ജാമ്യത്തില്‍ വിട്ടയച്ചു.