കോട്ടയം ചിങ്ങവനത്ത് മർമ്മതൈലം വിൽക്കാൻ എന്ന വ്യാജേനേ വീട്ടിലെത്തി പെൺകുട്ടിയോട് അപമര്യാദയായി പെരുമാറി; പോക്സോ കേസിൽ പ്രതി അറസ്റ്റിൽ

സ്വന്തം ലേഖിക

കോട്ടയം: പോക്സോ കേസിൽ പ്രതി അറസ്റ്റിൽ.

മണിമല ഏറത്തുവടകര തോലുകുന്നല്‍ വീട്ടിൽ മോഹൻദാസ് മകൻ വിഷ്ണു മോഹൻ (28) നെയാണ് ചിങ്ങവനം പോലീസ് അറസ്റ്റ് ചെയ്തത്. വീടുകൾ കയറി മർമ്മ തൈലം വിൽക്കുന്നയാളാണ് ഇയാൾ.

കഴിഞ്ഞദിവസം മർ തൈലം വിൽക്കാനായി ചിങ്ങവനത്ത് ഉള്ള അതിജീവിതയുടെ വീട്ടിൽ വരികയും, വീട്ടില്‍ തനിച്ചായിരുന്ന അതിജീവിതയോട് ഇയാൾ മർമ്മ തൈലം പുരട്ടാൻ എന്ന വ്യാജേനേ അപമര്യാദയായി പെരുമാറുകയായിരുന്നു.

തുടർന്ന് അതിജീവിത വീട്ടുകാരെ വിവരം അറിയിക്കുകയും, വീട്ടുകാരുടെ പരാതിയെ തുടർന്ന് ചിങ്ങവനം പോലീസ് കേസ് രജിസ്റ്റർ ചെയ്ത് പ്രതിയെ പിടികൂടുകയായിരുന്നു. ചിങ്ങവനം എസ്.എച്ച്. ഓ ജിജു.ടി. ആർ, എസ്.ഐ അനീഷ്, സി.പി.ഓമാരായ സതീഷ്, സലമോൻ, മണികണ്ഠൻ, പ്രകാശ്‌ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.