വിരമിക്കുന്ന ചീഫ് ജസ്റ്റിസിന് സര്‍ക്കാര്‍ വക യാത്രയയപ്പ്; ചടങ്ങ് കോവളത്തെ ഹോട്ടലില്‍; ചടങ്ങില്‍ പങ്കെടുക്കുന്നത് മുഖ്യമന്ത്രി അടക്കം കുറച്ചുപേര്‍ മാത്രം

സ്വന്തം ലേഖിക

തിരുവനന്തപുരം: വിരമിക്കുന്ന കേരള ഹൈക്കോടതി ചീഫ് ജസ്റ്റിസ് എസ്. മണികുമാറിന് സര്‍ക്കാര്‍ യാത്ര അയപ്പ് നല്‍കുന്നു.

കോവളത്ത് സ്വകാര്യ ഹോട്ടലില്‍ വച്ചാണ് യാത്രഅയപ്പ്. മുഖ്യമന്ത്രി അടക്കം കുറച്ചുപേര്‍ മാത്രമാണ് ചടങ്ങില്‍ പങ്കെടുക്കുന്നത്.

സാധാരണയായി ചീഫ് ജസ്റ്റിസുമാര്‍ക്ക് സര്‍ക്കാര്‍ യാത്ര അയപ്പ് നല്‍കാറില്ല.

ഹൈക്കോടതി ഫുള്‍ബെഞ്ച് ചേര്‍ന്ന് യാത്ര അയപ്പ് നല്‍കാറാണ് പതിവ്.

ഹൈക്കോടതി ഫുള്‍ബെഞ്ചിന്റെ യാത്രഅയപ്പ് കഴിഞ്ഞയാഴ്ച നടന്നിരുന്നു. ഇതിന് പിന്നാലെയാണ് സര്‍ക്കാരും യാത്ര അയപ്പ് നല്‍കുന്നത്.