കോട്ടയം: ആരോഗ്യത്തിനു ഏറെ നല്ലതാണ് ചിക്കൻ സൂപ്പ്. വീട്ടില്‍ എളുപ്പത്തില്‍ തയ്യാറാക്കാൻ കഴിയുന്ന ചിക്കൻ സൂപ്പ് റെസിപ്പി ഇതാ.
ചേരുവകള്‍
ചിക്കൻ – 1 കിലോ
കാരറ്റ് -ചെറുതായി അരിഞ്ഞത്‌(1 കപ്പ്‌)
നെയ്യ്- 1 സ്പൂണ്‍
കറുവപ്പട്ട- 2 സ്പൂണ്‍
ഗ്രാമ്ബൂ -3 എണ്ണം
ഏലയ്ക്ക -2 എണ്ണം
വഴന ഇല-1 എണ്ണം
കുരുമുളക് പൊടി -1സ്പൂണ്‍
ഉപ്പ്- 1 സ്പൂണ്‍
നാരങ്ങ നീര് -2 സ്പൂണ്‍
പച്ചമുളക് -2 എണ്ണം
ഇഞ്ചി- 1 സ്പൂണ്‍
വെളുത്തുള്ളി -2 സ്പൂണ്‍
മല്ലിയില -4 സ്പൂണ്‍
വെള്ളം – 2 ഗ്ലാസ്‌
കോണ്‍ ഫ്ലൊർ -1റ്റീസ്പൂണ്‍
Whatsapp Group 1 | Whatsapp Group 2 |Telegram Group
തയാറാക്കുന്ന വിധം
ഒരു കുക്കറിലേക്ക് ആവശ്യത്തിന് നെയ്യും കറുവപ്പട്ട, ഗ്രാമ്പു ഏലയ്ക്ക എന്നിവയും ചേർത്തതിന് ശേഷം വഴന ഇലയും ചേർത്തു നന്നായി യോജിപ്പിക്കുക. അതിലേക്ക് കാരറ്റ് ഇട്ടു ഇളക്കുക. ഇനി അതിലേയ്ക്ക് ചിക്കനും ചേർത്ത് നന്നായി ഇളക്കി യോജിപ്പിക്കുക. ശേഷം ഇഞ്ചി, വെളുത്തുള്ളി, പച്ചമുളക്, മല്ലിയില എന്നിവ മിക്സിയില്‍ നന്നായി അരച്ചെടുത്ത് ഇതിലേക്ക് ഒഴിച്ചു കൊടുത്തു നന്നായിട്ട് വഴറ്റിയെടുക്കുക. ശേഷം ആവശ്യത്തിന് വെള്ളം കൂടി ചേർത്ത് കുരുമുളകുപൊടിയും ഉപ്പും മല്ലിയിലയും ചേർത്ത് തിളപ്പിച്ചെടുക്കുക. കുറച്ചു നാരങ്ങാ നീര് കൂടി ചേർത്തു കൊടുക്കാവുന്നതാണ്. കുറച്ചു കുറുക്കത്തിന് വേണ്ടി കൊണ്‍ ഫ്ലോർ വെള്ളത്തില്‍ കലക്കി ഒഴിക്കുക.ഇതോടെ ചിക്കൻ സൂപ്പ് റെഡി.
