കോട്ടയം: നല്ല എരിവൂറും ചിക്കന്‍ കബാബ് റെസിപ്പി ഇതാ
ആവശ്യമായ ചേരുവകള്‍
ചിക്കൻ എല്ലില്ലാത്തത് – അരക്കിലോ
പച്ചമുളക്-3
ഇഞ്ചി-ചെറിയ കഷ്ണം
വെളുത്തുള്ളി- നാല് -അഞ്ച് അല്ലി
ബ്രഡ് -മൂന്നു -നാലു കഷണം
സവാള- 1 ഇടത്തരം, ചെറുതായി അരിഞ്ഞത്
മല്ലിയില- കുറച്ച്‌
മുളകുപൊടി- മുക്കാല്‍ ടീസ്പൂണ്‍
കുരുമുളകുപൊടി- അര ടീസ്പൂണ്‍
ഗരം മസാല- കാല്‍ ടീസ്പൂണ്‍
മുട്ട- രണ്ട്
കോണ്‍ഫ്ലോർ- ഒരു ടേബിള്‍സ്പൂണ്‍
ഉപ്പ്- ആവശ്യത്തിന്
വെളിച്ചെണ്ണ -വറുക്കാൻ ആവശ്യത്തിന്
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
ഒരു മിക്സിയുടെ ജാറിലേക്ക് അരക്കിലോ എല്ലില്ലാത്ത ചിക്കൻ കഷ്ണങ്ങള്‍ ഇട്ട് ചതച്ചെടുക്കുക. ഒരു കുഴിവുള്ള പാത്രത്തിലേക്ക് ഇട്ട ചിക്കനിലേക്ക് 3 പച്ചമുളക് ചെറുതായി അരിഞ്ഞത്, ചെറിയ കഷണം ഇഞ്ചി അരിഞ്ഞത്, നാല് -അഞ്ച് അല്ലി വെളുത്തുള്ളി ചെറുതാക്കിയത്, 3 -4 കഷ്ണം ബ്രെഡ്, ഒരു ഇടത്തരം സവാള ചെറുതായി അരിഞ്ഞത്, കുറച്ച്‌ മല്ലിയില, ആവശ്യത്തിന് ഉപ്പ്, അര ടീസ്പൂണ്‍ കുരുമുളക് പൊടി, മുക്കാല്‍ ടീസ്പൂണ്‍ മുളകുപൊടി, കാല്‍ ടീസ്പൂണ്‍ ഗരം മസാല, എന്നിവയിട്ട് നന്നായി കുഴച്ച്‌ യോജിപ്പിച്ചെടുക്കുക.
കയ്യില്‍ കുറച്ച്‌ ഓയില്‍ പുരട്ടിയതിനു ശേഷം ചെറിയ ഉരുളകളാക്കി എടുക്കുക. കയ്യില്‍ വെച്ച്‌ അമർത്തി വട്ടത്തില്‍ ഒരു ആകൃതി ഉണ്ടാക്കി മാറ്റി വെക്കുക. ഒരു ചെറിയ പാത്രത്തിലേക്ക് 2മുട്ട പൊട്ടിച്ചു ഒഴിച്ച്‌ ഒരു ടേബിള്‍ സ്പൂണ്‍ കോണ്‍ഫ്ലോർ, കാല്‍ ടീസ്പൂണ്‍ കുരുമുളകുപൊടി,ആവശ്യത്തിന് ഉപ്പ്, എന്നിവയിട്ട് കട്ടയില്ലാതെ നന്നായി യോജിപ്പിക്കുക. ഒരു ചീനച്ചട്ടിയില്‍ വെളിച്ചെണ്ണ ഒഴിച്ച്‌ നന്നായി ചൂടായി വരുമ്പോള്‍ ഇടത്തരം തീയില്‍ വച്ച്‌ മുട്ടയില്‍ മുക്കിയ ചിക്കൻ കബാബ് എണ്ണയിലേക്ക് ഇട്ട് കൊടുക്കുക. മറിച്ചും തിരിച്ചും ഇട്ട് നന്നായി വറുത്തു കോരുക. വിളമ്പുന്ന പാത്രത്തിലേക്ക് മാറ്റാം.
