കോട്ടയം: ഇന്നൊരു കിടിലൻ സ്നാക്ക് ഉണ്ടാക്കിയാലോ? വളരെ എളുപ്പത്തില്‍ രുചികരമായി തയ്യാറാക്കാവുന്ന ഒരു ചിക്കൻ ബോള്‍സ് റെസിപ്പി.
ആവശ്യമായ ചേരുവകള്‍
1. ചിക്കൻ
2. മഞ്ഞള്‍പൊടി
3. മുളകു പൊടി
4. ഉപ്പ്
5. വെളിച്ചെണ്ണ
6. സവാള
7. പച്ചമുളക്
8. ഇഞ്ചി വെളുത്തുള്ളി ചതച്ചത്
9. ഗരം മസാല
10. കുരുമുളക് പൊടി
11. ചില്ലി ഫ്ളേക്സ്
12. സോയ സോസ്
13. മല്ലിയില
14. തൈര്
15. ബ്രെഡ്
16. മുട്ട
17. ബ്രെഡ് ക്രംസ്
18. എണ്ണ
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
ചിക്കൻ നല്ലവണ്ണം കഴുകി വൃത്തിയാക്കി ഉപ്പ്, മുളകുപൊടി, മഞ്ഞള്‍പൊടി എന്നിവ ചേർത്ത് വേവിച്ചെടുക്കാം. ശേഷം വെളിച്ചെണ്ണ ഒഴുച്ച്‌ സവാള, പച്ചമുളക്, ഇഞ്ചി വെളുത്തുള്ളി ചതച്ച്‌ എന്നിവ വഴറ്റിയെടുക്കാം. ആവശ്യത്തിന് ഉപ്പും ചേർക്കാം. വഴന്നു വരുമ്ബോള്‍ ഇതിലേക്ക് ഗരം മസാല, കുരുമുളകു പൊടി, ചില്ലി ഫ്ലേക്‌സ്, സോയ സോസ് ചേർത്ത് മിക്‌സ് ചെയ്യാം. മിക്‌സ് ചെയ്തതിനു ശേഷം വേവിച്ചു വച്ച ചിക്കൻ മസാലയിലേക്ക് ചേർക്കാവുന്നതാണ്.
മല്ലിയില, തൈര് ഒന്നിച്ച്‌ അരച്ചെടുത്ത മിക്‌സ് കൂടി ഇതിലേക്ക് ചേർത്താല്‍ മസാല തയ്യാർ. പിന്നീട് ബ്രെഡിന്റെ അറ്റത്തെ ഭാഗം മുറിച്ചു മാറ്റാം. ശേഷം ഒരോ ബ്രെഡില്‍ ചിക്കൻ മിക്‌സ് ചേർത്ത് ബോള്‍ രൂപത്തിലാക്കുക. ഇത് മുട്ട, ബ്രെഡ് ക്രംസ് എന്നിവയില്‍ മുക്കി പൊരിച്ചെടുക്കാവുന്നതാണ്. രുചികരമായ ചിക്കൻ ബോള്‍സ് തയ്യാർ.
