ഗുവാഹത്തി: ഐപിഎല് 2026 സീസണ് ആരംഭിക്കുന്നതിന് തൊട്ടുമുമ്പ് ചെന്നൈ സൂപ്പര് കിംഗ്സിന് വീണ്ടും കനത്ത തിരിച്ചടി.
മാര്ച്ച് 30-ന് ഗുവാഹത്തിയില് രാജസ്ഥാന് റോയല്സിനെതിരെ നടക്കാനിരിക്കുന്ന ആദ്യ മത്സരത്തില് ദക്ഷിണാഫ്രിക്കന് താരം ഡെവാള്ഡ് ബ്രെവിസ് കളിക്കില്ല. പേശിവലിവിനെ തുടര്ന്നാണ് താരത്തിന് പുറത്തിരിക്കേണ്ടി വരുന്നത്.
മത്സരത്തിന് മുന്നോടിയായി നടന്ന വാര്ത്താസമ്മേളനത്തില് ഹെഡ് കോച്ച് സ്റ്റീഫന് ഫ്ലെമിംഗാണ് ഇക്കാര്യം സ്ഥിരീകരിച്ചത്.
Whatsapp Group 1 | Whatsapp Group 2 |Telegram Group
സീസണിലെ ആദ്യത്തെ രണ്ടോ മൂന്നോ മത്സരങ്ങള് ബ്രെവിസിന് നഷ്ടമാകുമെന്നാണ് റിപ്പോര്ട്ടുകള്. കഴിഞ്ഞ സീസണിലെ മികച്ച പ്രകടനത്തിന്റെ അടിസ്ഥാനത്തില് 2.20 കോടി രൂപയ്ക്കാണ് സിഎസ്കെ താരത്തെ നിലനിര്ത്തിയത്.
ആറ് മത്സരങ്ങളില് നിന്ന് 180 സ്ട്രൈക്ക് റേറ്റില് 225 റണ്സ് കഴിഞ്ഞ തവണ ബ്രെവിസ് നേടിയിരുന്നു. അടുത്തിടെ നടന്ന ടി20 ലോകകപ്പിലും താരം മികച്ച ഫോമിലായിരുന്നു. ബ്രെവിസിന്റെ അഭാവം ചെന്നൈയുടെ മധ്യനിരയെ കാര്യമായി ബാധിച്ചേക്കും.
