ചെങ്ങന്നൂരിൽ സ്വകാര്യ ബസില്‍ വിദ്യാര്‍ത്ഥിനിയെ അപമാനിക്കാന്‍ ശ്രമം ; പോക്സോ കേസിൽ യുവാവ് അറസ്റ്റിൽ

ചെങ്ങന്നൂര്‍: സ്വകാര്യ ബസില്‍ സ്കൂള്‍ വിദ്യാര്‍ത്ഥിനിയെ അപമാനിക്കാന്‍ ശ്രമിച്ച യുവാവിനെ പൊലീസ് അറസ്റ്റ് ചെയ്തു.

കൊല്ലകടവ് കടയിക്കാട് പന്തപ്ലാവില്‍ വീട്ടില്‍ അനന്തകൃഷ്ണനാ (24)ണ് അറസ്റ്റിലായത്.

ചെങ്ങന്നൂര്‍ ഡിവൈ.എസ്.പി ആര്‍ ജോസിന്റെ നേതൃത്വത്തിൽ, വെണ്മണി പൊലീസ് സ്റ്റേഷൻ എസ്.എച്ച്‌. ഒ എ. നസീര്‍, സബ് ഇന്‍സ്പക്ടര്‍ അജിത് .കെ എന്നിവരടങ്ങുന്ന സംഘമാണ് പ്രതിയെ പിടികൂടിയത്.

പോക്സോ നിയമപ്രകാരം അറസ്റ്റു രേഖപ്പെടുത്തിയ ഇയാളെ കോടതിയില്‍ ഹാജരാക്കി റിമാന്‍ഡുചെയ്തു.