അമ്മയ്ക്കൊപ്പം അവനും യാത്രയായ്! കണ്ണൂർ ചെമ്പല്ലിക്കുണ്ട് പുഴയില്‍ ചാടി ആത്മഹത്യ ചെയ്ത റീമയുടെ കുഞ്ഞിന്റെ മൃതദേഹം കണ്ടെത്തി ; ശനിയാഴ്ചയാണ് റീമയും കുഞ്ഞും പുഴയിൽ ചാടിയത്

കണ്ണൂർ : ചെമ്പല്ലിക്കുണ്ട് പുഴയില്‍ ചാടി ആത്മഹത്യ ചെയ്ത റീമയുടെ കുഞ്ഞിന്റെ മൃതദേഹം കണ്ടെത്തി. രണ്ടര വയസ്സുകാരനായ റിഷിപ്പിന്റെ മൃതദേഹമാണ് കണ്ടെത്തിയത്.

ഫയർഫോഴ്സും സന്നദ്ധപ്രവർത്തകരും സംയുക്തമായി നടത്തിയ തെരച്ചിലിലാണ് കുട്ടിയുടെ മൃതദേഹം കണ്ടെത്താനായത്.

കഴിഞ്ഞ ശനിയാഴ്ച്ച അർധരാത്രിയോടെയാണ് വേങ്ങര സ്വദേശി റീമ കുഞ്ഞുമായി പുഴയില്‍ ചാടിയത്. നീണ്ട തിരച്ചിലിനൊടുവില്‍ ഞായറാഴ്ച രാവിലെയോടെയാണ് റീമയുടെ മൃതദേഹം കണ്ടെടുത്തത്. എന്നിട്ടും കുഞ്ഞിന്റെ മൃതദേഹം കണ്ടെത്താൻ കഴിഞ്ഞിരുന്നില്ല.

സ്കൂട്ടറിലാണ് റീമ മകനുമായി ചെമ്ബല്ലിക്കുണ്ട് പാലത്തില്‍ എത്തിയത്. തുടർന്ന് പാലത്തില്‍ നിന്നും പുഴയിലേക്ക് ചാടുകയായിരുന്നു.