തൊടുപുഴ: ഇടുക്കി ചീനിക്കുഴി കൂട്ടക്കൊലപാതക കേസില് പ്രതി അലിയാക്കുന്നേല് ഹമീദിനുളള ശിക്ഷ ഇന്ന് വിധിക്കും.
കഴിഞ്ഞ ദിവസം തൊടുപുഴ അഡീഷണല് സെഷൻസ് കോടതി ഹമീദ് കുറ്റക്കാരനെന്ന് കണ്ടെത്തിയിരുന്നു. മകൻ മുഹമ്മദ് ഫൈസല്, മകന്റെ ഭാര്യ ഷീബ, ഇവരുടെ മക്കളായ മെഹ്റിൻ, അസ്ന എന്നിവരെ തീകൊളുത്തികൊന്നത് ഹമീദാണെന്ന് കോടതി കണ്ടെത്തി.
പരമാവധി ശിക്ഷ തന്നെ പ്രതിക്ക് നല്കണമെന്നാണ് പ്രോസിക്യൂഷൻ ആവശ്യം. കുടുംബ വഴക്കും സ്വത്ത് തർക്കവും കാരണം 2022 മാർച്ച് 18 നാണ് വീട്ടിനുളളില് കിടന്നുറങ്ങുകയായിരുന്ന നാലു പേരെയും ഹമീദ് പെട്രോള് ഒഴിച്ച് ജീവനോടെ കത്തിച്ചത്.
Whatsapp Group 1 | Whatsapp Group 2 |Telegram Group
വീട്ടിലെ കിടപ്പുമുറി പുറത്തുനിന്ന് പൂട്ടിയ ശേഷമാണ് ഹമീദ് തീകൊളുത്തിയത്. വീട്ടിലെ വാട്ടർ ടാങ്ക് കാലിയാക്കിയ ശേഷം ജനല് വഴി പെട്രോള് നിറച്ച കുപ്പികള് തീകൊളുത്തി അകത്തേക്ക് എറിയുകയായിരുന്നു.
ബഹളം കേട്ട് അയല്വാസികള് എത്തിയെങ്കിലും തീ ആളിപ്പടർന്നതിനാല് ആരെയും രക്ഷിക്കാൻ സാധിച്ചില്ല. 71 സാക്ഷികളെ വിസ്തരിച്ച ശേഷമാണ് വാദം പൂർത്തിയായത്. സംഭവത്തിന് ദൃക്സാക്ഷികളുടേത് ഉള്പ്പെടെയുളള മൊഴികള് പ്രോസിക്യൂഷന് അനുകൂലമായി.
