വാകത്താനം :വാകത്താനത്ത് വൻ ചീട്ടുകളി സംഘം പിടിയിൽ. വാകത്താനം ഉണ്ണാമറ്റം ഭാഗത്ത്‌ കാലായിൽ ബിജോയിയുടെ കെട്ടിടത്തിൽ ആയിരുന്നു പണം വച്ച് ചീട്ടുകളി നടന്നുവന്നത്. 5,60,450.(അഞ്ച് ലക്ഷത്തി അറുപതിനായിരത്തി നാനൂറ്റി അമ്പതു ) രൂപ സ്ഥലത്തു നിന്നും പിടിച്ചെടുത്തു.
കെട്ടിട ഉടമസ്ഥനെയും,ജില്ലയിലും പുറത്തുമായി കൊലപാതകശ്രമം, ലഹരിവ്യപാരം ഉൾപ്പടെ 12ൽ അധികം കേസുകളിൽ പ്രതിയായ മിഥുൻ തോമസ് ഉൾപ്പടെ ചീട്ടുകളിക്കാനെത്തിയ 12 പേരെയും വാകത്താനം എസ് എച്ച് ഒ അനീഷ് പി ബി, എസ് ഐ സജീവ് ടി, സി പി ഒ ചിക്കു ടി, രാജു ശ്യാംകുമാർ, ഹോം ഗാർഡ് രവീന്ദ്രൻ എന്നിവരടങ്ങിയ പോലീസ് സംഘം അറസ്റ്റ് ചെയ്തു.
