മോഷണം പോയ സ്വന്തം കാർ കണ്ടെത്താനായി ഡിറ്റക്ടീവായി മാറി കാർ കണ്ടെത്തി തിരികെ കൊണ്ടുവന്ന് ദമ്പതി കൾ.യുകെയിലാണ് സംഭവം. മിയ ഫോർബ്സ് പിരി, മാർക്ക് സിംപ്സണ്‍ എന്നീ ദമ്ബതികളാണ് തങ്ങളുടെ മോഷണം പോയ ജാഗ്വാർ ഇ-പേസ് ഈ മാസം കണ്ടെടുത്തത്. പൊലീസിന് സമയമില്ലാത്തതിനാല്‍ തങ്ങള്‍ തന്നെ ഈ ദൗത്യം ഏറ്റെടുക്കുകയായിരുന്നുവെന്നും ദമ്ബതികള്‍ പറഞ്ഞതായി ദി ടൈംസ് റിപ്പോർട്ട് ചെയ്തു.
ഈ മാസമാദ്യമാണ് ലണ്ടനിലെ ബ്രൂക്ക് ഗ്രീനിലുള്ള വീട്ടില്‍ നിന്ന് ദമ്ബതികളുടെ ജാഗ്വാർ ഇ-പേസ് കാർ മോഷണം പോയത്. എന്നാല്‍ കാറില്‍ ഒരു ഗോസ്റ്റ് ഇമ്മൊബിലൈസർ ഘടിപ്പിച്ചിരുന്നു. കാർ മോഷണം തടയുന്നതിനായി ഒരു പ്രത്യേക കോഡ് ഉപയോഗിച്ച്‌ മാത്രം പ്രവർത്തിക്കുന്ന സംവിധാനമാണിത്. ഗോസ്റ്റ് ഇമ്മൊബിലൈസറിന്റെ പാസ്കോഡ് പ്രൊട്ടക്ഷൻ ഉടമകള്‍ക്ക് മാത്രമേ ആക്സസ് ചെയ്യാനാകൂ. ഇത് കൂടാതെ കാറില്‍ ഒരു എയർടാഗ് ലൊക്കേറ്റർ കൂടി ഉണ്ടായിരുന്നു. ഇങ്ങനെ ദമ്ബതികള്‍ കാർ ഇപ്പോള്‍ ചിസ്വിക്കിലാണ് ഉള്ളതെന്ന് കണ്ടെത്തിയിരുന്നു. പക്ഷെ ഇക്കാര്യം പൊലീസില്‍ അറിയിച്ചപ്പോള്‍, ഇപ്പോള്‍ തിരക്കിലാണെന്നും എപ്പോള്‍ അന്വേഷിക്കാൻ കഴിയില്ലെന്നും ഒരു 999 ഓപ്പറേറ്റ‍ർ പറഞ്ഞതായും റിപ്പോർട്ട്.
ജൂണ്‍ 4 ന് ആണ് കാർ കാണാതായതായി ആദ്യം റിപ്പോർട്ട് ചെയ്യപ്പെട്ടത്. പുലർച്ചെ 3:20 ന് വീടിന് പുറത്ത് പാർക്ക് ചെയ്തിരുന്ന കാർ കാർ രാവിലെ 10.30 ന് ചിസ്വിക്കിലെത്തിയതായി എയർടാഗില്‍ കാണിച്ചു. ഇത് മനസിലാക്കിയ ദമ്ബതികള്‍ പൊലീസിന്റെ അഭആവത്തിലും ചിസ്വിക്കിലേക്ക് പോകുകയായിരുന്നു. ശാന്തമായ ഒരു തെരുവില്‍ നിന്നാണ് കാർ കണ്ടെത്തിയത്. കാറിലെ സുരക്ഷാ സംവിധാനങ്ങള്‍ ക്രാക്ക് ചെയ്യാൻ ശ്രമിക്കുന്നതിനിടെ കാറിന്റെ ഉള്‍ഭാഗവും കാ‍ർപെറ്റും മോഷ്ടാക്കള്‍ വലിച്ചു കീറിയിരുന്നു.
Whatsapp Group 1 | Whatsapp Group 2 |Telegram Group
നമ്മുടെ സ്വന്തം കാർ തിരികെ മോഷ്ടിക്കുന്നത് ഒരു തരത്തില്‍ ഫണ്‍ ആണ് എന്നാണ് മിയ ഫോർബ്സ് പിരി ലിങ്ക്ഡ്‌ഇൻ പോസ്റ്റിലൂടെ പങ്കുവച്ചത്. പൊലീസിന് ആവശ്യത്തിന് റിസോഴ്‌സ് ഇല്ലെന്നും ഇത് ദൗർഭാഗ്യകരമാണെന്നും കാറുടമ പ്രതികരിച്ചതായി ദി ടൈംസ് റിപ്പോർട്ട് ചെയ്തു.
