ഇടുക്കി: അടിമാലി- കോതമംഗലം ദേശീയപാതയിൽ വാഹനങ്ങൾക്ക് മുകളിലേക്ക് മരം കടപുഴകി വീണ് അപകടം. കാർ യാത്രികനായ ഒരാൾ മരിച്ചു. രാജകുമാരി മുരിക്കുംതൊട്ടി സ്വദേശി ജോസഫ് ആണ് മരിച്ചത്. സഹയാത്രികരായ മൂന്നുപേർക്ക് പരിക്കേറ്റിട്ടുണ്ട്. കോതമംഗലത്തിനടുത്ത് വില്ലാൻചിറയിലാണ് അപകടം നടന്നത്.
കാറിനും കെ.എസ്.ആർ.ടി.സി. ബസിനും മുകളിലേക്കായാണ് മരം വീണത്. അതിശക്തമായ മഴയിലും കാറ്റിലുമാണ് മരം കടപുഴകി വീണത്. മരത്തിന്റെ അടിഭാഗം പതിച്ചതിനെ തുടർന്ന് കാർ പൂർണമായും തകർന്നു. മരത്തിന്റെ ശിഖരങ്ങളാണ് ബസിന് മുകളിലേക്ക് വീണത്. കെ.എസ്.ആർ.ടി.സി. ബസിന്റെ പിൻഭാഗത്തേക്കാണ് മരം വീണത്.
ഒരു ഗർഭിണി അടക്കം നാല് യാത്രക്കാരാണ് കാറിൽ ഉണ്ടായിരുന്നത്. ഇതിൽ ഒരാൾ മരിച്ചു. മറ്റ് മൂന്നുപേർക്കും സാരമായി പരിക്കേറ്റിട്ടുണ്ട്. കെ.എസ്.ആർ.ടി.സി. ബസിന്റെ പിൻഭാഗത്തേക്കാണ് മരം വീണത്.നിരവധി വാഹനങ്ങളാണ് വഴിയിലുണ്ടായിരുന്നത്. ഇവയിൽനിന്ന് ഉൾപ്പെടെയുള്ളവർ പുറത്തിറങ്ങി രക്ഷാപ്രവർത്തനത്തിൽ പങ്കെടുത്തു.
Whatsapp Group 1 | Whatsapp Group 2 |Telegram Group