സ്വന്തം ലേഖകൻ
കുമരകം: കുമരകത്ത് നിയന്ത്രണം വിട്ട കാര് മരത്തിലിടിച്ച് ഒന്നര വയസുള്ള കുട്ടിയുൾപ്പെടെ നാലുപേർക്ക് പരിക്ക്.
ഇന്നലെ വൈകുന്നേരം 4.30 ന് കവണാറ്റിന്കരയിലായിരുന്നു അപകടം. അര്ത്തുങ്കല് പള്ളിയില് പോയി മടങ്ങവേയാണ് കാര് അപകടത്തില് പെട്ടത്.
മണിമല പൂങ്കുഴിയില് മോളി സെബാസ്റ്റ്യന് (70), ലിജോ (46), ഭാര്യ മഞ്ജു (45), ഇവാന് (ഒന്നര) എന്നിവര്ക്കാണ് പരുക്കേറ്റത്.
Whatsapp Group 1 | Whatsapp Group 2 |Telegram Group
അതീവ ഗുരുതരമായി പരുക്കേറ്റ ഇവാനെ കോട്ടയത്തെ കുട്ടികളുടെ ആശുപത്രിയിലും മറ്റുള്ളവരെ മെഡിക്കല് കോളജിലും പ്രവേശിപ്പിച്ചു.
തലയ്ക്കു പരിക്കേറ്റ് രക്തത്തില് കുളിച്ചു കിടന്ന കുട്ടിയെ കുന്നത്തുകളത്തില് കിരണ് ഷാജിയാണ് തന്റെ ബൈക്കില് തൈക്കടവില് അഭിലാഷിന്റെ ഭാര്യ വീഷ്ണയുടെ സഹായത്തോടെ പള്ളിച്ചിറയിലെ സ്വകാര്യ ആശുപത്രിയില് എത്തിച്ചത്.
കുട്ടിയുടെ മൂക്കില്നിന്നും ചെവിയില് നിന്നും രക്തസ്രാവം ഉണ്ടായതിനാല് സ്വകാര്യ ആശുപത്രിയിലെ സ്റ്റാഫായ നിബിനാണ് തന്റെ കാറില് അപകടത്തിൽപെട്ടവരെ ആശുപത്രിയിലെത്തിച്ചത്.
