ക്യാൻസർ വന്ന് മരിക്കുന്നവരുടെ എണ്ണം കൂടിവരികയാണ്. 2020ല്‍ പുറത്തുവിട്ട റിപ്പോർട്ടനുസരിച്ച്‌ ഏകദേശം പത്ത് മില്യണ്‍ മരണവും സംഭവിച്ചത് ക്യാൻസർ കാരണമായിരുന്നു. ലോകാരോഗ്യസംഘടന സൂചിപ്പിക്കുന്നതനുസരിച്ച്‌ ഓരോ തവണയും സംഭവിക്കുന്ന ആറ് മരണങ്ങളില്‍ ഒന്ന് ക്യാൻസർ കാരണമാണ്.
ക്യാൻസർ സാദ്ധ്യതയ്ക്ക് നിരവധി കാരണങ്ങള്‍ ഉണ്ട്. എന്നാല്‍ 30 മുതല്‍ 50 ശതമാനം വരെ ക്യാൻസർ തടയാൻ സാധിക്കുമെന്നാണ് ലോകാരോഗ്യസംഘടന പറയുന്നത്. ക്യാൻസർ സാദ്ധ്യത കുറയ്ക്കാൻ കഴിയുന്ന തരത്തിലുളള ജീവിതശൈലിയാണ് ആദ്യമായി നടപ്പിലാക്കേണ്ടത്. അതില്‍ പ്രധാനമാണ് ഭക്ഷണരീതി. ശരിയായ രീതിയില്‍ ഭക്ഷണം കഴിക്കുന്നതിലൂടെ നമുക്ക് രോഗപ്രതിരോധശേഷി വർദ്ധിക്കുമെന്ന് ആരോഗ്യവിദഗ്ദനായ ഡോക്ടർ. വില്യം ലി പറയുന്നു. അതിന് സഹായിക്കുന്ന ചില ഭക്ഷണങ്ങളും അദ്ദേഹം പങ്കുവച്ചിട്ടുണ്ട്.
1. ചായ, കോഫി
Whatsapp Group 1 | Whatsapp Group 2 |Telegram Group
മിക്കവരും ഭക്ഷണത്തില്‍ ഉള്‍പ്പെടുത്തുന്ന രണ്ട് പാനീയങ്ങളാണ് ചായയും കോഫിയും. കോഫിയില്‍ ക്ലോറോജെനിക് ആസിഡ് അടങ്ങിയിട്ടുണ്ട്. ഇത് ക്യാൻസർ കോശങ്ങളുടെ പ്രവർത്തനം തടയാൻ സഹായിക്കും. ഗ്രീൻ ടീയില്‍ കാറ്റെച്ചിനുകള്‍ എന്നറിയപ്പെടുന്ന പോളിഫെനോളുകള്‍ അടങ്ങിയിട്ടുണ്ട്. ഇത് ക്യാൻസർ കോശങ്ങളിലേക്കുളള രക്തവിതരണം തടസപ്പെടുത്തുവെന്നാണ് ഡോക്ടർ ലി പറയുന്നത്. ഉദാഹരണത്തില്‍ ഷാംഗ്ഹായ് വനിതാരോഗ്യ പഠനത്തില്‍, 69,000 സ്ത്രീകളെ നിരീക്ഷിക്കുകയുണ്ടായി. ഇവയില്‍ ഗ്രീൻ ടീ കുടിക്കാത്ത സ്ത്രീകളെ അപേക്ഷിച്ച്‌ ആഴ്ചയില്‍ മൂന്ന് തവണയെങ്കിലും ചായ കുടിക്കുന്നവർക്ക് വൻകുടല്‍ ക്യാൻസർ വരാനുളള സാദ്ധ്യത കുറവാണെന്ന് കണ്ടെത്തി.
2. ബ്രാസിക്ക പച്ചക്കറികള്‍
ഭക്ഷണത്തില്‍ ബ്രാസിക്ക വിഭാഗത്തില്‍ നിന്നുളള പച്ചക്കറികള്‍ ഉള്‍പ്പെടുത്തുന്നത് ക്യാൻസറിനെ പ്രതിരോധിക്കാൻ ഗുണം ചെയ്യും. ബ്രോക്കോളി, ബ്രസ്സല്‍സ് മുളകുകള്‍, കാലെ, അരുഗുല തുടങ്ങിയവയില്‍ ഐസോത്തിയോസയനേറ്റുകള്‍, സള്‍ഫോറാഫെയ്നുകള്‍ എന്നിവ അടങ്ങിയിട്ടുണ്ട്. ഇവ ക്യാൻസർ കോശങ്ങളിലേക്കുളള രക്തവിതരണം, വീക്കം എന്നിവ കുറയ്ക്കാൻ സഹായിക്കും.
3. ബീൻസ്
ഭക്ഷണത്തില്‍ ബീൻസ് ഉള്‍പ്പടെയുളള പയറുവർഗങ്ങള്‍ ചേർക്കുക. ഇവ ക്യാൻസറിനെ പ്രതിരോധിക്കാൻ സഹായിക്കും. വൈറ്റ് ബിൻസ്, ബ്ലാക്ക് ബീൻസ്. പിന്റോ ബീൻസ്, സോയാബീൻസ്, എഡമേം തുടങ്ങിയവ നാരുകളാല്‍ സമ്ബന്നമാണ്. ഇത് വൻകുടൻ സാദ്ധ്യത കുറയ്ക്കാൻ സഹായിക്കും.
4. ഒമേഗ 3 ഫാറ്റി ആസിഡുകള്‍ അടങ്ങിയ ഭക്ഷണങ്ങള്‍
ഭക്ഷണത്തില്‍ കൂടുതല്‍ മത്സ്യങ്ങള്‍ ചേർക്കുന്നത് ക്യാൻസറിനെ പ്രതിരോധിക്കാൻ സഹായിക്കും. ആങ്കോവികള്‍, സാർഡിനുകള്‍, അയല.ചെമ്മീൻ, കക്ക എന്നിവയില്‍ ഉയർന്ന അളവില്‍ ഒമേഗ 3 ഫാറ്റി ആസിഡുകള്‍ അടങ്ങിയിട്ടുണ്ട്. ഇവയും വൻകുടല്‍ ക്യാൻസർ സാദ്ധ്യത കുറയ്ക്കാൻ സഹായിക്കും.
