സ്വന്തം ലേഖിക
കണ്ണൂർ : കേരളത്തിലുള്ളവർക്ക് ഒട്ടകമാംസത്തിന്റെ രുചി പരിചയപ്പെടുത്തുക എന്ന ലക്ഷ്യത്തോടെ തരിശിലെ ഒരു കൂട്ടം യുവാക്കൾ രാജസ്ഥാനിൽനിന്ന് കഴിഞ്ഞ ഒട്ടകത്തെ നാട്ടിലെത്തിച്ചു.
ഇതിനു വേണ്ടി നാട്ടിലെ ഒരു കൂട്ടം യുവാക്കൾ പാലക്കാട്ടുള്ള ഏജൻസിയുമായി ബന്ധപ്പെടുകയായിരുന്നു.
രാജസ്ഥാനിൽനിന്ന് പാലക്കാട്ട് എത്തിച്ച ഒട്ടകത്തെ പിന്നീട് ലോറിയിൽ കരുവാരകുണ്ട് തരിശിലേക്ക് കൊണ്ടുവരികയായിരുന്നു.
ഒട്ടകത്തെ കാണാൻ ജനം പല ഭാഗത്തുനിന്നും കൂട്ടമായെത്തിയതോടെ കക്കറയിലെ വിജനമായ സ്ഥലത്തേക്ക് മാറ്റി. പാലക്കാട്ടുനിന്ന് വിദഗ്ധർ എത്തിയാണ് ഒട്ടകത്തെ കശാപ്പ് ചെയ്തത്. ഇന്നലെ ഉച്ചകഴിഞ്ഞപ്പോഴേയ്ക്കും ഇറച്ചി, വിൽപനയ്ക്ക് തയാറായി.അതോടെ സമീപപ്രദേശത്ത് നിന്നുള്ള ജനങ്ങളുടെ തിരക്കും കൂടി. കിലോയ്ക്ക് 500 രൂപ നിരക്കിലാണ് 250 കിലോഗ്രാം മാംസം വിറ്റത്. കേട്ടറിഞ്ഞ് പല സ്ഥലങ്ങളിൽനിന്നും ആവശ്യക്കാർ എത്തിയപ്പോഴേക്കും ഇറച്ചി കഴിഞ്ഞിരുന്നു
