ബസ് തടഞ്ഞ് യാത്രക്കാരന്റെ സ്വര്‍ണം കവര്‍ന്നു; ഒറ്റപ്പാലം മുന്‍ എംഎല്‍എയുടെ ഡ്രൈവര്‍ പിടിയില്‍

സ്വന്തം ലേഖിക

പാലക്കാട്: ബസ് തടഞ്ഞ് യാത്രക്കാരന്റെ സ്വര്‍ണം കവര്‍ന്ന കേസില്‍ മുന്‍ എംഎല്‍എയുടെ ഡ്രൈവര്‍ അറസ്റ്റില്‍.

ഒറ്റപ്പാലം മുന്‍ എംഎല്‍എ പി ഉണ്ണിയുടെ ഡ്രൈവര്‍ ബവീര്‍ ആണ് പിടിയിലായത്.

മീനാക്ഷിപുരത്ത് ബസ് തടഞ്ഞ് യാത്രക്കാരൻ്റെ സ്വര്‍ണം കവര്‍ന്ന കേസിലാണ് അറസ്റ്റ്. കവര്‍ച്ചാ സംഘത്തിലെ ചിറ്റൂര്‍ സ്വദേശി ശ്രീജിത്തും പൊലീസ് പിടിയിലായി.

മീനാക്ഷിപുരം സൂര്യപാറയില്‍ വച്ച്‌ 30 ലക്ഷത്തിൻ്റെ സ്വര്‍ണം കവര്‍ന്നെന്നാണ് കേസ്.