വൈക്കം: വൈക്കം-വെച്ചൂർ-കൈപ്പുഴമുട്ട് റൂട്ടിലുള്ള സ്വകാര്യ ബസുകൾ സ്ഥിരമായി ബണ്ട് റോഡ് ജംഗ്ഷനിൽ സർവീസ് അവസാനിപ്പിക്കുന്നതിന് ശക്തമായ പ്രതിഷേധം ഉയരുന്നു.
ഇടയ്ക്ക് ബസ് സർവീസ് അവസാനിപ്പിക്കുന്നതിനെ തുടർന്ന് കൈപ്പുഴമുട്ടുവരെയുള്ള രണ്ടു കിലോമീറ്റർ ദൂരം നടന്നോ ഓട്ടോറിക്ഷയിലോ പോകേണ്ട അവസ്ഥയാണ്.
ജനങ്ങളുടെ ആവശ്യം പരിഗണിച്ച് വെച്ചൂർ പഞ്ചായത്തിലെ പ്രസിഡന്റ് കെ. ആർ. ഷൈലകുമാറിന്റെ നേതൃത്വത്തില് ഈ വിഷയവുമായി ബന്ധപ്പെട്ട് ആർടിഒയ്ക്കു പരാതി നൽകിയിട്ടുണ്ട്.
ബസുകൾ കൈപ്പുഴമുട്ട് വരെ സർവീസ് നടത്തണമെന്ന ആവശ്യവുമായി യാത്രക്കാർ ബസ് ജീവനക്കാരോട് സംസാരിച്ചാൽ, മോശമായി പെരുമാറുന്നുവെന്നുള്ള പരാതിയും യാത്രക്കാർ ഉന്നയിക്കുന്നു.
Whatsapp Group 1 | Whatsapp Group 2 |Telegram Group
സർവീസ് മുഴുവനായി നടത്താതെ യാത്രക്കാരെ ദുരിതത്തിലാഴ്ത്തുന്ന ബസുകളുടെ പെർമിറ്റുകൾ റദ്ദാക്കുന്നതിന് വേണ്ട നടപടികൾ സ്വീകരിക്കണമെന്ന് വെച്ചൂർ പഞ്ചായത്ത് ഭരണ സമിതിയംഗങ്ങൾ ജോയിന്റ് ആർടിഒവിനോട് ആവശ്യപ്പെട്ടു.
