പള്ളം ബുക്കാന കവലയിൽ എംസി റോഡിൽ ടിപ്പർ ലോറിയും ബൈക്കും കൂട്ടിയിടിച്ച് അപകടം ; ബൈക്ക് യാത്രക്കാരനെ പരിക്കുകളോടെ ആശുപത്രിയിൽ പ്രവേശിപ്പിച്ചു

കോട്ടയം : പള്ളം ബുക്കാന കവലയിൽ എംസി റോഡിൽ ലോറിയും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്ക്.

ഇന്ന് രാവിലെ 10 മണിയോടെയാണ് അപകടമുണ്ടായത്.കോട്ടയം ഭാഗത്തേക്ക് പോവുകയായിരുന്ന ബൈക്കും എതിരെ വന്ന ടിപ്പർലോറിയും തമ്മിൽ കൂട്ടി ഇടിക്കുകയായിരുന്നു.

അപകടത്തിൽ ബൈക്ക് യാത്രകാരൻ്റെ കാല് ഒടിഞ്ഞു. ഇയാളെ കോട്ടയം ജില്ലാ ആശുപത്രിലേക്ക് മാറ്റി.

അപകടത്തെ തുടർന്ന് അരമണിക്കൂറോളം റോഡിൽ ഗതാഗതം സ്തംഭിച്ചു. ചിങ്ങവനം പോലീസ് സ്ഥലത്ത് എത്തിയാണ് ഗതാഗത കുരുക്കിന് പരിഹാരം കണ്ടെത്തിയത്.