അശ്ലീല വീഡിയോ ഒരുമിച്ച് കണ്ടു: 13 വയസുകാരനായ സഹോദരൻ 15 വയസുകാരിയായ സഹോദരിയെ പീഡിപ്പിച്ച് ഗർഭിണിയാക്കി
മുംബൈ: സ്വന്തം സഹോദരിയെ ബലാത്സംഗം ചെയ്ത് ഗര്‍ഭിണിയാക്കിയ കേസില്‍ സഹോദരന്‍ പിടിയിൽ. നവിമുംബയിലെ ഖണ്‍ഡേശ്വറിലാണ് സംഭവം. 13 വയസ്സുകാരനായ സഹോദരൻ 15 വയസുള്ള സഹോദരിയുമൊത്ത് അശ്ലീല ദൃശ്യങ്ങള്‍ ഒരുമിച്ചിരുന്ന് കണ്ട ശേഷമാണ് ബലാത്സംഗം ചെയ്തത്.
പെണ്‍കുട്ടി ഗര്‍ഭിണിയായിട്ടും വീട്ടുകാര്‍ സംഭവം പുറത്ത് പറഞ്ഞിരുന്നില്ല. എന്നാല്‍ ഗര്‍ഭം അലസിപ്പിക്കാനായി ആശുപത്രിയില്‍ എത്തിച്ചപ്പോള്‍, ആശുപതി അധികൃതരാണ് പോലീസിൽ വിവരം അറിയിച്ചത്. തുടര്‍ന്ന് വാഷി ജനറല്‍ ആശുപത്രിയില്‍ എത്തിയ പൊലീസ് കേസെടുക്കുകയായിരുന്നു.
ഒരുമിച്ച് അശ്ലീല വീഡിയോ കണ്ടതിനു ശേഷം ഇളയ സഹോദരന്‍ തന്നെ ബലാത്സംഗം ചെയ്യുകയായിരുന്നെന്ന് പെണ്‍കുട്ടി പൊലീസിന് മൊഴി നൽകി. കഴിഞ്ഞ വര്‍ഷം ഡിസംബറില്‍ അവര്‍ ആദ്യമായി ലൈംഗിക ബന്ധത്തില്‍ ഏര്‍പ്പെടാന്‍ ശ്രമിച്ചെങ്കിലും പരാജയപ്പെട്ടതായി അന്വേഷണ സംഘത്തിലെ ഒരു പൊലീസ് ഉദ്യോഗസ്ഥന്‍ പറഞ്ഞു.
Whatsapp Group 1 | Whatsapp Group 2 |Telegram Group
സംഭവത്തില്‍ ആണ്‍കുട്ടിക്കെതിരെ ഐപിസി 376 , 376 (2) (എന്‍) (ഒരേ സ്ത്രീയെ ആവര്‍ത്തിച്ച്‌ ബലാത്സംഗം ചെയ്യുക) എന്നിവയും പോക്‌സോ വകുപ്പും പ്രകാരമാണ് കേസെടുത്തിരിക്കുന്നത്. പ്രതിക്ക് പ്രായപൂര്‍ത്തിയാകാത്ത സാഹചര്യത്തില്‍ തുടര്‍നടപടികള്‍ ശിശുക്ഷേമ സമിതിയായിരിക്കും തീരുമാനിക്കുക.
